Proyecto di dump pa bayendo bon y awor mester busca manera pa uza fluff pa traha combustible
Segun Booshi Wever,
ORANJESTAD(AAN): Diahuebs durante conferencia di prensa duna pa ex Minister Booshi Wever, a puntre con a para cu e proyecto di Dump y el a splica cu dia 17 di Juli esnan encarga cu e proyecto a entrega e prome fase dia 17 di Juli y cu e ta contento con tur cos ta bayendo.
El a bisa cu el a firma un ‘letter of intent’ cu nan na unda a bisa cu si nan cumpli cu e otro requisitonan cu tin den e contract, lo por cuminza papia riba e di dos fase.
Wever a splica cu actualmente e proyecto tin 3 liña y esnan di e proyecto a bisa cu mester di 6 liña.
Asina mes cu e 3 liñanan aki ta procesa 60 pa 70% di desperdicio y si pone un lina mas, lo yega na e 90% acorda cu nan.
Ta importante awor pa haya uso pa e ‘fluff’ cu ta Sali afo despues di procesa e desperdicio.
Locual cu por wordo hasi ta sigui tapa e desperdicio cu ainda ta bay den e ‘landfill’ den dump.
Despues mester busca un manera pa hasi uso di tecnologia nobo pa entre otro traha combustible usando e fluff, manera ta wordo hasi por ehempel na Virgin Islands.
Si Valero habri, nan lo por comberti cierto parti di e sushi den combustible, pa reduci prijs di awa y coriente na Aruba.
