Home General Segun Coby Geerman: No Falta Mucho pa caba cu bagamunderia di...

Segun Coby Geerman: No Falta Mucho pa caba cu bagamunderia di esnan cu ta kere cu elmar ta di nan

0
0
SHARE
- Advertisement -

bagaORANJESTAD (AAN): Diaranzon DIARIO a entrevista presidente di sindicato di Elmar UEA esta Coby Geerman, despues di un deliberacion cu e sindicato tin cu gerencia di Elmar.
Geerman a splica cu for di mainta trempan a tene diferente reunion cu gerencia y e trahadornan.
Un grupo di e sindicato a manda un mensahe pa e Ministernan di futuro y nan a ricibi e empleadonan di Elmar na Bestuurskantoor.

 


UEA a mustra e futuro Ministernan algun carta di deurwaarder cu nan a haya y a intercambia di pensamento.
El a splica cu e futuro Ministernan a indica cu decisionnan grandi no mester worde tuma na momento cu e Gobierno nobo ta bay sinta.

Geerman a splica cu e Gobierno nobo a bisa pa e empleadonan tin pasenshi, mientras cu nan ta bay manda un carta pa Utilities N.V, pa splica Utilities cu nan mester tene cuenta tambe cu e hecho cu ta bay bin un cambio di Gobierno.

Nan a indica cu na momento cu e Gobierno nobo sinta, e Gobierno lo yama e empleadonan di Elmar pa papia riba nan futuro y riba futuro di Elmar.
DIARIO a puntra Geerman di con nan a haya un carta di Deurwaarder.

El a splica cu nan tampoco no por compronde, pasobra ta mustra un falta di seriedad di gerencia.
Ta pidi pa e trahadornan no bay pafo, pero nan ta manda deurwaarder riba nan.
Un di e cartanan di deurwaarder a prohibi Geerman pa drenta paden, pasobra e lo ta instiga e trahadornan.

E carta a bisa tambe pa e trahadornan cuminza traha back pa 1’or di atardi, sino lo lanta un caso contra UEA.
E miembronan a haya tur esaki inaceptable.

“Nos ta papia den bon ambiente y trata di drecha e asunto, y director ta busca abogado scondi y manda manda deurwaarder pa nos”.
“Ta ki sorto di director nos tin?”, segun Geerman.
Ta e hendenan rond di dje ta dicidi pe?, Geerman a sigui bisa.
Futuro Gobierno a bisa cu nan lo bay sinta tambe cu director di Elmar pa wak si tur cos por worde drecha.

Ta importante pa purba baha coriente tambe, segun presidente di UEA.
“Nos no kier sinta cu nan na mesa mas, pasobra nos no ta logra nada asina”.
“Cada trahador tin cu cuida su curpa pa nan no worde marca, bay traha”.
“No ta falta mucho mas pa Gobierno nobo sinta pa asina nos caba cu e bagamunderia di e hendenan cu ta kere cu nan ta doño di Elmar”, segun Geerman.

- Advertisement -

DUNA COMENTARIO

Please enter your comment!
Please enter your name here