Home Deporte Show di avionnan Remote Control merece un elogio grandi

Show di avionnan Remote Control merece un elogio grandi

0
0
SHARE
- Advertisement -

avionremote1ORANJESTAD (AAN)— Un di e eventonan cu sigur a gara e atencion di grandi y chikito durante weekend tabata e competencia di avionnan di remote control cu ARCC (Aruba Remote Control Club) kendenan a pone un tremendo show conhuntamente cu participantenan di nos hermana isla Corsow. Den e show aki, publico presente por a aprecia un variedad grandi di avionnan di diferente tipo, entrenan por a aprecia avionnan “trainer”, esta, modelonan cu ta mas apropia pa personanan cu ta cuminsando den e bunita hobby aki, y tambe por a mira otro modelonan di avion propeller y hasta por a mira un show cu e tremendo avionnan di propulsion Jet.

Ariba Diabierna anochi, e actividadnan di e show aki a cuminsa cu un competencia di night flight cual e avionnan lo a wordo equipa cu lusnan pa asina nan por bula anochi, esaki sigur tabata algo cu tabata masha hopi gusta serca e publico kendenan ya caba for di diabierna anochi tabata masalmente na e pista Cascabel Airfield na San Nicolas.

Ariba diasabra e competencianan a continua y ariba diadomingo e competencianan aki a yega na su final y por bisa cu e asistencia di publico a mantene basta grandi.

Hopi bon comentarionan por a wordo scucha den e publico presente y sigur e evento aki merece un “pluimpje” na e miembronan di ARCC y tambe pa nan coleganan di Corsow tambe. Ariba e combinacion di potret por aprecia algun imagennan di e evento aki.

- Advertisement -

DUNA COMENTARIO

Please enter your comment!
Please enter your name here