Home General Si mester paga dividendo lo page…….

Si mester paga dividendo lo page…….

1
0
SHARE
- Advertisement -

Pero semper mester inverti pa mantene grid di Aruba
Segun director di Elmar
ORANJESTAD(AAN): DIARIO a entrevista director di Elmar señor Henriquez, pa loke ta e preocupacionnan di sindicato UEA, relaciona cu e fondo di pensioen, formacion di un comision, e edificio di San Nicolas y e asunto unda Elmar ta bay pone dos empleado pa cada auto.Pa loke a e fondo di pensioen, director di Elmar a bisa cu e ta stabile, pero mescos cu otro camindanan na mundo, e crisis ta afecte aki aya.
Bo tin cu vigila bo inversionnan bon y no inverti den asuntonan cu no ta stabile. Pa loke ta e situacion di auto, presidente di UEA a trece dilanti cu Elmar kier pone dos empleado pa cada auto.

Director di e compania a bisa cu berdad e compania kier alivia e gastonan di auto un tiki y conhuntamente ta evaluando kico ta e mihor manera, semper y cuando por keda duna un bon servicio.

Sinembargo Elmar ta den un proceso actualmente di hasi un ‘review’ pa baha no solamente e gastonan di auto, sino otro gastonan di e compania tambe. Tin un plan, pero mester wak bon kico por wordo ehecuta ora yega asina leu.

No lo bay baha gasto na un manera iresponsable. Pa loke ta pagamento di dividendo, Henriquez a bisa cu si mester paga lo mester paga, pero e ta algo cu sigur por yega na otro cu e ‘aandeelhouders’, con lo resolve e parti ey. E no ta algo cu mester ta un problema.

Mester remarca si cu tin hopi inversion cu mester wordo hasi, pa keda mantene e grid di Aruba.
Eynan mester ta cauteloso kico ta hasi pa no causa daño na e compania.

- Advertisement -

DUNA COMENTARIO

Please enter your comment!
Please enter your name here