Home General Si tur cos bay bon, e prome molina na Vader Piet ta...

Si tur cos bay bon, e prome molina na Vader Piet ta cuminza draai dia 6 di november

0
1
SHARE
- Advertisement -

molina1ORANJESTAD(AAN): Diamars DIARIO a entrevista Ashwin Maria kende ta supervisor di un proyecto di Vesta pa lanta molina na Vader Piet. El a splica cu e y e otro personanan di e proyecto ta na Aruba 3 siman caba. Nan tin cu pega 10 molina y tur cos ta bayendo bon.
Señor Maria a bisa si cu nan a cay un tiki atras door di e accion algun tempo pasa na waf y tur cos rind di eleccion, pero e ta satisfecho con cos ta bayendo actualmente. Normalmente un molina ta wordo arma den dos dia y mey.
E prome dia ta pone dos pida di e ‘mast’-nan y e di dos dia ta pone e otro parti. E asina yama ‘blachi’ di molina ta wordo pega un dia despues. Ta cuminza 6’or di mainta y ta traha te 4’or di atardi, di Dialuna te cu Diasabra.

Si cay atras, por hasi excepcion y traha riba un Diadomingo, pero normalmente Diadomingo ta un dia liber.

E biento constant tin biaha ta fastioso, pero ta probecha cada biaha cu e biento baha un tiki, pa hasi mas trabao.

DIARIO a puntra sr Maria tocante e material y el a bisa cu tur material tey caba y si tur cos bay bon, e prome molina ta cuminza draai riba 6 di November, pa cuminza produci coriente pa WEB.
Prome WEB ta manda coriente pa e computernan di e molina haya coriente y despues cu e molina cuminza draai, e ta produci coriente pa WEB.

Maria a splica cu su trabao ta pa pega e molinanan y instala nan. E ta bay bek Hulanda 17 di Januari, despues di cual ta bin 5 hende cu tab bay keda pa un termino di 3 pa 5 aña, pa duna servicio na e molinanan. Intencion ta tambe pa siña hendenan local pa hasi e trabao aki.

- Advertisement -

1 COMMENT

  1. Si mester di hende 3-5 anja anto no tin ningunintension pa hende lokal sinja traha ku e molinanan, ban exigi ku jiunan di tera sinja traha riba e molinanan pa ningunhende kue nos kabes di gai.

DUNA COMENTARIO

Please enter your comment!
Please enter your name here