Home Politica Ta importante pa Departamento y Companianan Di Gobierno no tuma decisionnan grandi

Ta importante pa Departamento y Companianan Di Gobierno no tuma decisionnan grandi

1
0
SHARE
- Advertisement -

elmarsn1ORANJESTAD (AAN): Diaranzon DIARIO a entrevista Formador y proximo Prome Minister di Aruba Mike Eman, tocante e asunto di ceramento di un oficina di Elmar na San Nicolas.
Eman a bisa cu ta importante pa departamento y companianan di Gobierno no tuma decisionnan grandi na momento cu un Gobierno nobo ta bay sinta.

 


E situacion ta un tiki incomodo, cu decisionnan grandi ta worde tuma na momento cu e Gobierno cu ta sinta ta demisionario y e comisarionan cu tin den e diferente companianan ta demisionario.
E respet lo ta mihor sirbi si esaki no sosode.

Eman a sigui bisa cu naturalmente tur director mester su espacio pa traha, pero echo ta cu un Gobierno nobo a sinta y e tin metanan grandi pa rebiba San Nicolas por ehempel, pues Gobierno mester cuminza su mes, pa duna San Nicolas su posicion back.

Si un compania cu ta pertenece na Gobierno ta bay cera su portanan na San Nicolas, esey no ta e señal cu AVP como Gobierno kier duna.

El a sigui bisa cu mester mira e motibonan pa cual e decision a worde tuma, pero e decision riba su mes ta haci tiki dolor, pasobra AVP ta kere cu unda cu e por yuda un lugar manera San Nicolas pa haya actividad nobo y servicionan, esey mester worde empuha pa Gobierno tambe.

Pesey AVP a bay scucha e preocupacionnan di e sindicato di ELMAR UEA.
E porta di Gobierno di AVP semper lo keda habri pa scucha dolor di e empleadonan, pa hunto construi un mihor Aruba.

- Advertisement -

DUNA COMENTARIO

Please enter your comment!
Please enter your name here