Home General Taxistanan rabia cu otorgacion di 50 permiso di taxi door di e...

Taxistanan rabia cu otorgacion di 50 permiso di taxi door di e gobierno saliente

15
1
SHARE
- Advertisement -

taxistanan1Taxistanan 100% MEP a haya nan regalo despues di eleccion…
xi
ORANJESTAD (AAN): Mas y mas maniobranan straño ta saliendo ultimamente na cla net den porta di e instalacion di e Gabinete Eman I.
Por mira con ainda Gobierno di Nel Oduber IV a purba di faborece nan siguidornan siendo cu nan tabata bandonando nan posicion den Gobierno di Aruba.
Un otro asunto cu a sali na luz publico ta relaciona cu un rumor cu pa basta dia tabata circula caba y ta e otorgacion di 50 permiso di taxi.

Ayera, un cantidad grandi di taxista a dicidi di bay dilanti di Oficina di Eddie Briesen y Nel Oduber exigiendo nan un contesta pa loke a sosode caminda ta duna permiso pa opera taxi na 50 persona mas.

Nel Oduber ta cu vakantie y no a vacila ni un momento y a bay cu vakantie den un momento asina trascendental pa un pais manera ta e transpaso di mando na un gobierno nobo. Ni e respet ey e tabata tin pa cu e gabinete nobo cu ta wordo instala awe.

Wel, di otro banda, e taxistanan tampoco a haya Minister di Transporte y Turismo Eddie Briesen na su oficina y pesey nan a dicidi di bay manifesta na aeropuerto cu un caravana cu a sali for di Surf Side Marina y a yega dilanti di aeropuerto.

Akinan DIARIO a logra combersa cu algun di e taxistanan rabia.
E prome impresion tabata esun di Candido Werleman di taxi 201 kende a bisa cu un par di tempo pasa nan a sinta cu Nelson Oduber como prome minister y cu Minister Briesen. Den e reunion a puntra e mandatarionan si ta bay bin mas taxi.

Tur dos a bisa cu no ta bin mas taxi pasobra ya caba tin 400 taxi y e cantidad ya di mas, a indica. Aworaki pa nan sorpresa despues cu tabata tin rumornan so, nan a confirma cu 50 taxi Briesen y Gabinete Oduber a duna.

Na e momentonan aki cu ainda tin crisis na Merca ta duna 50 permiso sin sa con e resto di taxistanan ta bay biba aworaki, a enfatiza.

Manera a ser indica, e taxistanan ayera tabata pidi Minister Briesen pa hala e vergunningnan bek aden ya cu ta iresponsable locual e ta haciendo aworaki. No tin trabao mes y kier duna 50 vergunning mas.

Tin entendi cu varios di e hendenan cu a haya permiso tin ta traha den Gobierno, na hotel, etc. Ta laga nan kita for di nan trabao pa bin hinca nan den taxi. Pa nos bringa cu otro”, a manifesta.

Tambe, Rudy Franken di taxi 161 a expresa cu e noticia aki a cay como awa frieu riba nan ya cu tanto Nel Oduber como Eddie Briesen a bisa nan personalmente cu no ta bay bin mas taxi. Den un reunion publico na Club Don Bosco, e mesun contesta a ser duna na e taxistanan.

Treciendo mas hende ta bay hinca tur e taxistanan den un situacion hopi iresponsable, a manifesta.

Juan Tromp di taxi 133, a reitera cu locual e minister a haci di firma 50 permiso ta algo iresponsable. Mayoria di e taxistanan ta MEP, a enfatiza y nan ta show cu nan sticker di 100% MEP y nan a haya sla di bida aworaki. Esey tabata nan regalo despues di eleccion

- Advertisement -

1 COMMENT

  1. ya mescos cu e 50 ney a haya trabuo via nan friendsnan awo si e txista nan ta lubida con nan a haya permiso

    ta boso mes a core campanja pa nan 100% MEP ta nada mas y nada menos cu 100 % traiciona ARUBA
    pero ja boso bril di palo no ta kita nunca mas paso mi ta sigur cu puntje komt bij paaltje boso ta keda MEP

    ahh si fuera di esey mi ta reconoce sigur 2 di e taxista ney cu tawata para banda di mundo nobo ta fluit. awo ta Eddy briesen cu nel mes a dal boso cu e fluit

DUNA COMENTARIO

Please enter your comment!
Please enter your name here