Home Policial Team Special di Kpa di 10 persona, ta bay duna tur nan...

Team Special di Kpa di 10 persona, ta bay duna tur nan atencion na investigacion di asesinato savaneta

1
0
SHARE
- Advertisement -

ORANJESTAD(AAN): Diamars Cuerpo Policial a tene un rueda di prensa, relaciona cu e caso na Savaneta, unda cu un señora di 74 aña a worde asesina.


Comisario Trudy Hassel a hiba palabra y el a bisa cu e motibo pakico Cuerpo Policial a yama e rueda di prensa, ta pa duna un splicacion riba e caso lamentable cu a tuma lugar na Savaneta Diasabra anochi, caminda cu un señora di 74 aña hopi keri den bario di Savaneta a worde asesina.

Ta trata di señora Dorotel Adel Hassel, mihor conoci como ‘Dot’.
Comisario Hassel a sigui bisa cu e intencion di e conferencia di prensa no tabata pa divulga detayenan pa loke ta e investigacion, sino mas bien pa duna un splicacion na comunidad riba e forma den cual KPA conhuntamente cu O.M lo ta investigando e caso.

El a sigui bisa cu un caso asina ta uno hopi impactante pa comunidad, debi na e hecho cu casonan asina no ta tuma lugar na Aruba.
Comisario Hassel a enfatiza cu KPA no ta tratando e caso aki como un incidente comun y comunidad tampoco mester acepta pa casonan similar worde mira como algo normal.

KPM y O.M sigur no ta mira e sucedido como algo normal y tampoco lo acepta cu esaki lo worde mira asina.
Pa e motibo ey e caso aki a worde duna prioridad.
Esaki ta e motibo pakico cuerpo policial a lanta un team, e asina yama ‘Groep Ernstige Delicten’.

E team aki ta worde lanta ora mester investiga sucedidonan cu ta hopi impactante pa comunidad y ora ta trata di casonan grave.
Esaki segun Comisario Hassel kende a sigui bisa cu e intencion di un team asina ta, cu e miembronan di Cuerpo Policial lo traha den e team ‘full time’ riba e caso aki.

Esaki ta nifica cu tur atencion di e miembronan di cuerpo policial di e team aki ta pa investiga e caso aki so.
E team ta consisti di miembronan di diferente departamento manera ‘Algemene recherche, centrale recherche y Surveillance dienst.

Comisario Hassel a sigui bisa cu e team ta consisti di 10 persona y e caso ta den pleno investigacion y ta bayendo den bon direccion.
Mas detaye KPA no por divulga, sinembargo na su debido momento KPA conhuntamente cu Ministerio Publico ta bay notifica prensa y comunidad riba e desaroyo y investigacion.

E comisario a haci un peticion na pueblo pa meld cualkier informacion cu ta regarda e caso, na e team encarga cu e investigacion.
E numbernan cu por worde yama ta 5845000(Warda di San Nicolas), 11141(Tiplijn), unda cu bo yamada ta keda anonimo, of 100 cu ta centrale di polis.

- Advertisement -

DUNA COMENTARIO

Please enter your comment!
Please enter your name here