Home General Viahamento Den Reino, mester worde facilita pa tur Miembro Di Reino

Viahamento Den Reino, mester worde facilita pa tur Miembro Di Reino

0
1
SHARE
- Advertisement -

 reino1ORANJESTAD (AAN): Diamars DIARIO y otro miembronan di prensa a logra entrevista Minister di Husticia Ernst Hirsch Ballin, tocante su bishita na Antillas y Aruba.
El a splica cu Dialuna na Curaçao e tabata tin algun combersacion y Diamars el a bay intercambia pensamentonan cu Gobernador di Aruba.

 

 


Tambe el a papia cu formador Mike Eman y futuro Ministernan Arthur Dowers y Benny Sevinger, tocante e futuro cooperacion cu Hulanda.
Na Curaçao Hirsch Ballin a bisa ANP cu e ta dispuesto pa sigui papia riba partinan sensitivo di e Rijkswet, pues prensa a puntre cua partinan e tabata referi na dje.

E Minister a splica cu el a papia cu prome Minister di Antillas sra Elhage y un di su preocupacionnan ta asuntonan cu tin di haber cu Orden Publico.
Ta trata di un parti pa loke ta criminalidad cu a worde malinterpreta.

Segun e minister di husticia, e articulo den e Rijkswet ta un tipo di ‘brake di urgencia’ pa situacionnan hopi unico, unda cu un pais tin di haber cu un persona cu ta di e otro pais, kende puramente ta activo den criminalidad y ta causa problema constantemente.
E articulo den e rijkswet no ta un asina yama ‘terugzendregeling’(areglo pa manda hende back nan pais), sin mas.

Prensa a puntra Ballin di e hecho cu Antillas y Aruba ta totalmente contra e asina yama ‘noodrem’ aki.
Segun Ballin, ainda mester sigui papia riba henter e proposicion di ley.
El a bisa cu , tur Hulandes, tanto e Arubiano, e Antillano y e Hulandes Europeo, mester tin e mesun derechonan.

E meta principal no ta stroba cos, sino pa kita cosnan cu ta stroba.
Na e momentonan aki tur clase di formalidad mester cumpli cune, ora cu un persona viaha di un parti di reino pa otro pais den reino.
Ta solamente ora bo biaha bay Hulanda e formalidadnan aki no ta conta.
Pa cada un di e islanan si nan ta conta.

Ora Antillas worde separa, ta bay bin mas formalidad y mas aspectonan cu ta stroba entrada den un pais.
Esaki mester worde evita, segun Hirsch Ballin.

El a sigui bisa cu e ta haya cu tur Hulandes mester tin un libertad di move entre e paisnan di Reino, sin distincion.
Esey mester worde poni den un areglo di ley.

- Advertisement -

1 COMMENT

DUNA COMENTARIO

Please enter your comment!
Please enter your name here