Home General “Mi cliente no ta envolvi den pornografia infantil!”

“Mi cliente no ta envolvi den pornografia infantil!”

2
3
SHARE
- Advertisement -

abgadoedwinduinevelAbogado di Claudius Phillips, mr. Duijneveld ta reitera cu enfasis:
ORANJESTAD (AAN) – Matutino DIARIO a entrevista abogado di Claudius Phillips, mr. Edwin Duijneveld, relaciona cu e conferencia di prensa cu e conocido presentado di “Un dia den bida di…” Poentje Castro, a tene diamars cu a pasa, rond di e caso cu na e momentonan aki ta di dominio publico. Abogado Duijneveld a comenta na prome lugar, riba e hecho cu sr. Castro a keda cera diez dia, y el a bisa cu na Aruba ta masha normal cu un persona cu ta worde sospecha di algo, ta pasa den e proceso aki.
Abogado mr. Duijneveld a duna di conoce cu despues di e conferencia di prensa cu Castro a duna, nan a evalua loke a worde bisa, y a worde decidi pa bin cu un declaracion di parti di su cliente, Claudius Phillips, pero aparentemente a surgi algun desaroyo nobo na unda autoridadnan hudicial a pidi pa ainda no bin cu ningun reaccion, pero warda un poco.

Pesey nan a pidi prensa tambe, despues cu un declaracion cortico di Phillips a sali tog, pero nan ta prefera di warda un rato pa mira kico ta e desaroyonan nobo cu tin na caminda, y di eynan lo bin un reaccion.

El a remarca y reitera cu enfasis, cu su cliente Claudius Phillips, no ta envolvi den nada di locual ta worde sugeri of rumornan cu tin riba caya, manera “pornografia infantil” locual no ta berdad.

Riba e trayectoria cu e laptop a sigui, mr. Duijneveld a expresa cu tur hende sa cu esaki a worde horta, el a bay den man di diferente hende despues cu el a worde horta, y aworaki e tin entendi cu nan ta controlando e computer pa wak si algun hende por a saca copia for di dje, of a haci algo cune, y nan ta spera cu den e proximo dianan e laptop ta bek cerca su doño.

El a ripiti cu e laptop ta contene cosnan personal, entre otro, potretnan di e mama di Claudius cu a fayece aña pasa, un programa di musica cu e mester di dje pa haci cierto cosnan. E abogado a expresa cu su cliente ta un artista hopi grandi, y e ta un persona emocional, cu enberdad ta stima mucha y semper ta coopera cu eventonan di mucha, y ora cu tin rumornan ta core riba caya cu absolutamente no ta berdad, ta afecte hopi.

“ Na e momentonan aki nos a pidie pa mehor e no reacciona pasobra e ora ey e lo trece mas rumor y cosnan dilanti cu aworaki no ta na su fabor.

Nos ta compronde cu e apoyo di su fans ta hopi grandi, y cu prensa ta haci su trabao di kier sa te e ultimo cos. Pero aworaki tin un investigacion andando, no contra dje laga nos ta bon cla, pero si di husticia ta worde pidi pa warda un rato, nos ta hacie!” mr. Duijneveld a remarca.

Tocante e otro articulonan cu a worde horta di cas di Phillips, mr. Duijneveld a confirma cu prome cu nan a detene un otro sospechoso, diabierna pasa, e holoshi a worde haya mescos cu e armband, pero falta un laptop, cu ainda e no tin informacion si el a worde haya.

- Advertisement -

3 COMMENTS

  1. BO CLIENTE TA PEDOFIEL,JUST ACCEPT THE TRUTH! HE LOVES SMALL GIRLS,E MESTER WORDO SERA, HOMBER GRANDI SCAPA TA GRABA MUCHA CHIKITO ,TJEEEEEEEEEEEEEE

  2. Laga Corte decidi, en berdad nos no por husga hende sin infomashon concreto. Awendia, hopi hende ta jaloers riba hende cu ta sali dilanti. Ban spera cu tur cos por sali na cla cu tempo.

DUNA COMENTARIO

Please enter your comment!
Please enter your name here