Home Hudicial 3 aña exigi contra persona acusa di varios delito

3 aña exigi contra persona acusa di varios delito

1
0
SHARE
- Advertisement -

ORANJESTAD(AAN): Diabierna na corte e a tuma lugar un caso den cual Derwin R.K a wordo acusa di conhuntamente cu otronan ladronicia di auto di un carrental riba 8 di Juli 2009.
Tambe el ta wordo acusa di, conhuntamente cu un otro of otronan, ladronicia di un suma di placa na un stacion di gasoline na Santa Cruz riba 8 di Juli 2009 cu violencia y/of menaza cu violencia contra un persona.E violencia y/of menaza cu violencia a encera cu K. of su complicenan a hinca man den tas di e persona aki y a tuma placa for di e tas.
K. a wordo acusa alavez di, conhuntamente cu un otro of otronan, ladronicia di un tas cu placa di un persona riba 9 di Juli 2009. Mas leu K. a wordo sospecha di, conhuntamente cu un otro of otronan, ladronicia den un cas di un cantidad di pertenencia di un persona riba 13 di Juli 2009.

Tambe e ta wordo acusa di, conhuntamente cu un otro of otronan, ladronicia di un suma di placa na un stacion di gasoline na Ponton riba 17 di Juli 2009 cu violencia y/of menaza cu violencia contra un persona .

E violencia y/of menaza cu violencia a encera cu K. y/of su complice a gara e persona aki na su paña y/of a dal e varios biaha y/of a scop y pushe y/of a ranca su tas. K. ta wordo sospecha riba dje di posesion di marihuana riba 18 di Juli 2009.

K. ta wordo acusa di ladronicia di motorcycle di un persona den e periodo di 19 Februari 2009 te 20 Februari 2009.

Despues cu fiscal a presenta e cantidad grandi di castigo contra e sospechoso y huez a repasa e diferente dossiernan di e caso, fiscal a exigi 3 aña di castigo.

Ora cu abogado Jurima Bryson a caba di presenta defensa pa su cliente, huez a indica cu e lo duna su veredicto dia 27 di November.

- Advertisement -

DUNA COMENTARIO

Please enter your comment!
Please enter your name here