Home General Aparentemente, bacteria a afecta cinco baby recien naci, na Hospital!

Aparentemente, bacteria a afecta cinco baby recien naci, na Hospital!

0
0
SHARE
- Advertisement -

Segun informacion yega na DIARIO:
ORANJESTAD (AAN) – Un informacion delicado DIARIO a ricibi Diadomingo atardi, y debi cu nos no por a haya contacto cu Bob Harms, vocero di Hospital dr. Horacio Oduber, no tabata posible pa nos redaccion confirma e datonan, of haya un idea kico por a sosode. Aparentemente, tin muchanan homber, recien naci na HOH (ta worde papia di cinco caba) cu ta hayando infeccion den nan penis, cu ta causa keintura y dolor, causa pa un bacteria. Hasta ta parce cu tin e posibilidad cu un di e criaturanan mester worde opera.
Un persona cu a identifica su mes como familiar di un di e muchanan a bisa nos, cu un enfermera cu e conoce cu ta traha na otro piso di hospital a bise, confidencialmente, cu e tipo di bacteria ey ta causa pa falta di higiene.

Y e no kiermen falta di higiene di e mama, pero falta di higiene den e cuido y servicio mes cu e muchanan ta hayando.

Debi cu ta asina dificil pa riba un diadomingo por contacta e vocero di Hospital y sabiendo di antemano cu for di e piso concerni mes, unda e baby recien naci y nan mama ta keda, no ta bay duna ningun informacion (locual por spera tambe), nos a prefera di no keda wanta e informacion aki.

DIARIO ta spera cu manera semper e sa haci, e vocero di Hospital reacciona sea pa confirma, pa nenga of pa informa cu algo por a pasa, aunke su version kizas lo no cuadra cu esun di nos informante.

En todo caso, segun e persona a conta nos, ta cinco mucha homber a haya e bacteria y nan mayornan ta sumamente preocupa cu e situacion aki, pasobra nan ta kere cu den futuro e por afecta e desaroyo biologico di nan yiunan, mirando cu ta den nan penis e infeccion ta, y no ta algo bunita pa mira, e ta pone e mucha incomodo, locual ta indica cu e ta haci dolor.

Di nos redaccion nos ta ripiti cu nos no por a haya confirmacion di e noticia aki. Nos a nota si cu e persona cu a yama na nos redaccion tabata masha indigna y obviamente preocupa, pesey nos a purba di contacta Harmas pa medio di e operador di HOH, pero su yamada, no a yega y e number di celular cu nos tin di dje, no ta e mesun mas.

- Advertisement -

DUNA COMENTARIO

Please enter your comment!
Please enter your name here