Home Social Aruba Tourism Authority Ta Honra Mas Bishitante Na Caribbean Palm Village

Aruba Tourism Authority Ta Honra Mas Bishitante Na Caribbean Palm Village

1
0
SHARE
- Advertisement -

caribbean_palm_2ORANJESTAD (AAN): Recientemente Aruba Tourism Authority tabata tin e grato placer pa honra varios bishitante nan cu tin hopi tempo bishitando nos isla. Den e oportunidad aki, ATA a honra, Señora Joan Yerema pa su di 18 anniversario, Señora Mary Louise Montrond pa su di 20 anniversario y tambe Señora Dianne Thibert pa su di 20 anniversario bishitando nos isla.

   Sr. Mary Louise no por a stop di papia di con hopi e ta gusta Aruba y con felis e ta sintie ora cu e ta di bishita y cu durante e aña nan el a conoci hopi hende local cu awe e ta considera famia.  Señora Thibert y Señora Yerema tambe a expresa cu nan ta encanta cu Aruba pa nos clima, pa e trankilidad pero especialmente pa nos hende nan cu ta laga nan sinti nan mes como uno mas di e famia grandi di Aruba.

   Nan a keda hopi contento cu e reconocimento aki cu a worde duna den nomber di Gobierno di Aruba, Aruba Tourism Authority y especialmente den nomber di henter e comunidad Arubano. Un pabien na henter e staff y personal di Caribbean Palm Village pa e tremendo trabao cu nan ta eherciendo na bienestar di Aruba su turismo.

- Advertisement -

DUNA COMENTARIO

Please enter your comment!
Please enter your name here