Auto a bolter y hende a keda herida
ORANJESTAD (AAN): Diahuebs anochi a drenta informe di cu un auto a bolter riba Avenida E.J. “Watty” Vos y cu tin un hende herida. Esaki a pone cu mesora alarma a worde bati, y a manda tanto polis como ambulans na e lugar. Na yegada di e ambulans na e lugar nan a ser informa cu e homber chofer a cana bay zuid cu hopi dolor na su pia, e personal di ambulans a keda warda e patruya yega. Un rato despues ta aparece e chofer anto acompaña pa un dama cual e homber ta bisa cu ta e muher tabata na stuur. Pero e muher tabata cana trankil dunando impresion cu el a scapa milagrosamente of e no tabata den e auto mes ora di e accidente.
Pa straño cu e por zona e homber so a ser controla pa e personal di ambulans ya cu e dama a bisa cu e no tin ningun sla ni herida.
Despues cu Paramedi conan a controla e homber a constata cu e tin sla na su rudia y enkel y e mester bay hospital pa tratamento pero e no tabata kier a bay cu ambulans.
