Home Policial Auto blinda keto bay riba caminda ta pone demas trafico na peligro!

Auto blinda keto bay riba caminda ta pone demas trafico na peligro!

0
0
SHARE
- Advertisement -

PolicialDi con polis no ta actua?
ORANJESTAD (AAN) – Den e transcurso di siman pasa y ayera atrobe, DIARIO a haya yamada di chofernan di auto, cu ta puntra: “di con Polis no ta actua?” Esaki relaciona cu e auto blinda cu keto bay ta riba caminda y ta pone demas trafico na peligro! Otro automobilistanan ta pasa den susto ora nan tin cu topa cu e auto blinda aki, of ora e ta core nan tras of pasa nan banda, y nan ta ripara cu e persona tras di stuur ta haci “malabarismo” riba caminda, pasobra e auto su condicion no ta bon.


Lectornan cu a mira den corant un ex-polis a haya accidente mientras e tabata core den e auto blinda aki, a reacciona y pone nos na haltura, cu algun dia despues di e accidente aki, un dalmento a worde causa pa e mesun auto riba un auto particular, cu su consecuente daño material, algo cu por a worde evita si polis lo a stop e auto aki di core, como medida di prevencion.

Pero tambe, nos redaccion a haya informacion cu mas of menos cuatro aña pasa, un chofer coriendo e mesun auto blinda aki a haya su mes envolvi den accidente pisa, aparentemente, debi cu e break a faya y e persona concerni a keda mancaron te dia di awe.

Pesey ta incomprendible con un auto asina ta sigui den servicio, siendo cu e ta trece e chofer den dje y otronan rond, na peligro.

Cu otro palabra e problema ta uno bieu y autoridad no mester laga mas tempo pasa pa actua. E pregunta ta si mester warda pa un accidente mas serio sosode, pa tuma medida y saca e auto blinda aki for di circulacion!

- Advertisement -

DUNA COMENTARIO

Please enter your comment!
Please enter your name here