Home General BBO a causa un impacto basta serio ariba e poder di compra

BBO a causa un impacto basta serio ariba e poder di compra

1
0
SHARE
- Advertisement -

Economista Ben Marapin a subraya…
E ta dal e homber chikito mas duro cu esnan cu tin entrada mas halto!
ORANJESTAD (AAN): E economista Ben Marapin den entrevista cu DIARIO a referi na e topico di BBO y su repercusion den e economia local. Marapin a manifesta cu sin contesta e pregunta si BBO mester a bin of no, a agrega cu Sociale Economische Raad (SER) a bisa caba den pasado cu e pensamento di BBO ta bon, pero e instrumento BBO pa logra e metanan no tabata esun mas adecua.
Esey tabata un posicion di SER, a subraya. E mes no ta bay bisa si BBO mester bin of no. E ta di opinion cu si ta bay introduci un belasting nobo mester tene cuenta cu e situacion, si e ta bon, locual tabata e caso na 2007. Den un situacion asina serio manera tin awor, claro cu no ta bon, a bisa.

E economista a laga sa cu e situacion mester ta uno faborable pa introducie y mester splica prome pakico kier introducie, a indica. Awor ta worde bisa cu e tin cu drecha poder di compra. BBO a causa un impacto basta serio ariba e poder di compra, a enfatiza.

Mas cu a ser anticipa, e splicacion ta simple. Dia cu a introduci BBO a ser anticipa un entrada na BBO di 130 miyon Florin.

Basa riba e 130 miyon pueblo a worde compensa. Pa e comunidad local e idea tabata pa nos sinti e impacto di BBO den e sentido cu loke nan lo paga nan lo haya back, a indica.

A resulta cu BBO a genera hopi mas. “Loke bo a duna back na bo comunidad tabata mucho poco”, Ben Marapin a expresa.

Na di dos lugar a señala cu e parti cu a lubida ta cu BBO ta un tipo di belasting cu ta pone cu entradanan mas abao ta carga relativamente e peso mas grandi.

Si kier drecha esey por bahe y claro cu e ta bay yuda baha e costo di bida, a subraya.
Un siete luna pasa cu prijs tabata bahando por a bay mas suave cune. Aworaki prijsnan ta subi atrobe. Actualmente mester wak e total di perdida di poder di compra di comunidad en general.

Pa e homber chikito e ta cay doble duro pasobra e BBO nan compensacion mester ta kizas mas pa dos motibo. Pasobra bo calculacion tabata mucho abao, di loke e ta. Di dos, semper mi ta stress esey, BBO door cu e ta un belasting indirecto, e ta dal e homber chikito mas duro cu esnan cu tin entrada mas halto”, e economista a declara.

- Advertisement -

DUNA COMENTARIO

Please enter your comment!
Please enter your name here