Britannia LIfida a bataya fuerte contra di Jong Aruba y Deportivo Nacional
ORANJESTAD (AAN)— Diasabra ultimo Britannia Lifida a bataya fuertemente contra e muchanan di Noord, esta Jong Aruba ariba nan propio tereno na Piedra Plat. For di nos amigo Marcel Carrion nos a haya e siguiente informacionnan con tur e weganan a bai. MiniBaby: Diasabra tabata tin wega entre Britannia y Jong Aruba, e wega a keda empata na 1 gol pa banda y despues cu Britannia y Jong Aruba tawata tin varios atake riba goal pero un bon defensa di ambos team a haci cu e wega a keda empata. Un pabien na MiniBaby di Britannia. Goal di Milan Ackermans(1)
Baby:
Den e segundo wega diasabra e equipo di Piedra Plat Baby a enfrenta e fuerte equipo di Noord Jong Aruba. Tabata un wega bastante balansa unda cu Britannia tabata tin bastante dominio ariba e wega.
Na final e quipo di Britannia Baby ta bai cas cu cu 3 puntonan y ta gana Jong Aruba cu score di 7-0. Thionne Oduber(2), Reegel Winklaar(1), Josel Ramirs(1), Shair Lubo(1), Alex Gomez(1) Un pabien tambe na e Baby y nan entrenadornan.
LIFIDA -A- ta hunga 25 nov pa 5:00pm na Britannia vs Jong Aruba
LIFIDA -B-:
Diabierna anochi a tuma lugar un tremendo wega den divicion Lifida B unda cu Britannia e equipo di cas a enfrenta diabel rojonan Jong Aruba di Noord. E wega ta bin caba cu score di 3-2 na fabor Britannia. E golnan di Britannia a wordo anota pa Franklin Ortiz 2x y Carl Geerman 1x. Un pabien na tur e hungadornan y tambe na Ivo Lacle nan entrenador. Un pabien tambe na e team di Jong Aruba cu a progresa masha hopi ultimo temponan.
MENOR:
Diasabra e equipo di Piedra Plat Di Menor a enfrenta e fuerte equipo di Noord Nacional. Tabata un wega bastante balansa unda cu Britannia tabata tin bastante dominio ariba e wega.
Pero den e prome tempo y segundo tempo Britannia su defensa no a compronde otro aki Nacional a probecha y anota goal, Na final e equipo di Britannia Menor ta bai cas cu 3 punto y ta gana Nacional cu score di 4-2. Angela Junarc(1), Moreta Gerald(1), Gonzales Juan(1), Kemp Shaun(1), Un pabien tambe na e Menor y nan entrenadornan.
