Home Deporte Campionato Nacional di hisamento di peso

Campionato Nacional di hisamento di peso

1
0
SHARE
- Advertisement -

peso1Diadomingo 29 november 2009
ORANJESTAD(AAN)—Enconeccion cu ASU-Olimpiada, Aruba Amateur Weightlifting Association ta organiza nan campionato nacional di hisamento di peso. Esaki ta bay tuma lugar diadomingo dia 29 november 2009 den Compleho Deportivo Frans Figaroa na Noord. Pisamento di atletanan ta 13:00 pm. Competencia ta cuminsa pa 14:00 y ta termina 16:30 di atardi. Varios di nos atletanan ta den preparacion pa cu esaki y lo wordo hisa den categoria di damas, hubenil, junior, senior y master. Atletanan cu nos lo wak den accion ta : John Henriquez, Patrick Vrolijk, Ulrich Hoek, Herve Ruiz, Reginald Henriquez, Piere Winterdal, Anthony Martinus, Edwin Figaroa, Timo Bergrok, Robbert Henriquez, Jenifer Piter, Lismary James, Julissa Britten.

Aña pasa, como ganador maximo di e campionato nacional a resulta e atleta John Henriquez.
Tur fanatico di Hisamento di Peso ta keda cordialmente invita pa bin presencia e competencia aki den Compleho Deportivo Frans Figaroa na Noord. Entrada ta gratis pa grandi y chiquito.

- Advertisement -

DUNA COMENTARIO

Please enter your comment!
Please enter your name here