Combersacion cu ank bijleveld a enfoca riba e necesidad di fondonan di inversion proveniente for di Hulanda
Otmar Oduber Minister di Turismo a indica:
Pa ampliacion y diversificacion di nos mercado turistico!
ORANJESTAD (AAN): Minister di Turismo Otmar Oduber a topa personalmente cu Ank Bijleveld.
Ank Bijleveld Secretario di Estado tin un aprecio grandi pa pais Aruba. Minister di Turismo di Aruba a splica cu e tabata tin un combersacion basta extenso cu Señora Bijleveld y el a papia cu e secretario di estado riba ki direccion nan kier hiba turismo di Aruba.
Na momento cu el a bin Aruba pa instalacion di e gabinete nobo ya caba el worde poni na altura di e preocupacion of interes cu tin riba e tereno di cria y pesca como tambe agricultura.
E minister a bolbe haci esey a base di e encuentro cu tabata tin cu e minister encarga cu e area aki na Hulanda kende di su parti e lo haci su maximo esfuerzo.
Nan a combersa riba turismo con importante esaki ta y con Aruba ta posicionando su mes na Hulanda.
Riba esaki nan a combersa basta largo pa mira con Hulanda debi na e hecho cu FDA no ta posee elementonan cu por yuda Aruba den e diversificacion y ampliacion di nos turismo. E ta acapara otro inversionnan cu ta worde haci contrario na por ehemplo, Curaçao cu si tin un acuerdo na e momentonan aki caminda cu nan ta inverti basta placa den Hulanda y Europa atravez di fondonan di Hulanda y Europeo.
Banda di esaki a bisa cu nan a haci un peticion pa bay coopera mas estrecho cu otro riba e tereno aki. E cartera di labor tambe a bira un topico cu minister di labor Otmar Oduber a plantea cerca Ank Bijleveld.
E minister a bisa cu un preocupacion cu el a expresa na Aruba caba pa e funcionamento cu mester bay existi entre Departamento di Labor cu DIMAS.
Den e proceso cu ta andando na e momentonan aki, a manifesta, sigur lo haya e atencion y cooperacion caminda cu mester for di Hulanda y for di Secretaria di Estado, a declara.
