Home General Comisarionan no por traha a base boluntario

Comisarionan no por traha a base boluntario

1
0
SHARE
- Advertisement -

harolhenricomisariSr. Harold Henriquez:
ORANJESTAD (AAN) — Relaciona cu e peticion cu a worde haci, door di gobierno nobo, pa tur Hunta di Comisario presenta nan retiro, tambe un pregunta a worde haci na sr. Harold Henriquez, director di Utilities Aruba NV. “ Mi kier pone bon cla riba mesa cu como director di Utilities, asuntonan di comisarionan di Utilities no ta toca mi directamente. Esaki ta un asunto entre e comisarionan y e accionistanan. Loke mi por bisa si, ta cu mi tin entendi cu meneer de Kort, for di diabierna siman pasa, a prepara su carta di retiro y el a entregue. Mi tin entendi cu e si a dicidi di entrega su funcion como comisario di tanto di Utilities, como di ELMAR y WEB”, señor Henriquez a subraya.
El a aclarea cu e trabao di comisarionan no ta boluntario mas. E ta un trabao basta serio y e ta exigi basta tempo di e personanan envolvi, pa motibo cu nan tin e funcion di controla y di autoriza cierto decisionnan di e director, prome cu e por keda ehecuta.

Tambe a puntra sr. Henriquez si tin cambionan cu mester bin ainda, of cu Utilities NV ta desea pa tuma ehecuta of cu no a concreta.

“ Tur trabao, den tur compania, no ta cosnan cu ta yega y ta caba. E trabao ta sigui continuamente y manera mi a bisa den varios ocasion y tambe mi a bisa e Formador, asuntonan energetico di Aruba ta asunto di gobierno, ley di energia ta asunto di gobierno!

“ Pero dentro di e maneho aki, cada compania tin su mesun maneho y ley ta indica exactamente ki autoridad cada organo tin den e companianan. Sinembargo, ora e companianan ta formula nan maneho, nan mester tene cuenta kico e maneho general ta, y den esey exactamente, e trabao di Hunta di Comisario, ora e accionista ta indica kico mester sosode y ki lineanan general mester cana, ta traducie den instruccion pa cada director, y esaki ta liber dentro di e cuadro di instruccionnan cu e haya, di maneha su compania”, sr. Henriquez a señala.

- Advertisement -

DUNA COMENTARIO

Please enter your comment!
Please enter your name here