Home General Delegacion di fundacion adopta un adicto a sali pa Republica Dominicana

Delegacion di fundacion adopta un adicto a sali pa Republica Dominicana

9
0
SHARE
- Advertisement -

adictoGrupo di ex adicto a haya certificado di rehabilitacion…
ORANJESTAD (AAN): Diasabra un grupo grandi di persona cu ta siguiendo un tratamento na Republica Dominicana na Hogares Crea a haya nan certificado. Esaki ta e prueba cu nan a cumpli cu gran parti di nan tratamento den forma exitoso. Di Aruba tin 16 cu a logra e certificado aki na Hogares Crea. For di Aruba e presidente y algun miembro voluntario di e fundacion mes a bay tambe riba gasto propio pa asina ta presente na e entrega di certificado.
Na mes momento tin adicto cu a bay den e viahe pa cuminsa tambe cu e tratamento. E bishita di e miembronan di e fundacion ta regarda tambe algun encuentro y reunion cu esnan di Hogares Crea Dominicano.

Ultimo tempo e gobierno nobo a topa cu esnan trahando den adiccion y ta reconoce e trabao cu e presidente Audrey Croes Lacle y e demas miembronan voluntario ta haciendo.

Parce cu gobierno tin intencion di duna un sosten financiero tambe na e fundacion Adopta un Adicto pa asina mas persona cu problema di adiccion por bay haya tratamento.

Na Aruba tambe tin algun preparacion ta ser haci pa ricibi esnan cu ta cabando nan tratamento y ta bin back Aruba. Na Aruba nan lo haya e guia necesario pa despues por integra nan mes back den comunidad. Den e dianan nos dilanti lo tende mas di viahe di e grupo di e fundacion.

- Advertisement -

DUNA COMENTARIO

Please enter your comment!
Please enter your name here