Diferente reaccion encuanto asunto di muchanan cu ta keda sin bay school pa motibo di “schoolgeld”
ORANJESTAD (AAN): Despues cu e informacion a sali publica ayera den DIARIO, nos mesa di redaccion a cuminza haya diferente yamada di lectornan cu tabata duna nan opinion relaciona cu e asunto aki. Por a sinti un disgusto total pa e hecho cu muchanan inocente mester keda sin drenta school pa motibo di placa. Esnan cu ta paga e consecuencianan ta unicamente e muchanan aki cu ta keda sin haya les. Ta conoci cu hopi mayor, vooral den e temporada aki di fin di aña, pero durante henter aña, a pasa y ta pasando momentonan di crisis economico. Esey a pone cu nan mester a laga un banda algun obligacion pa asina por a cumpli cu otronan mas basico manera ta awa y coriente.
Manera nos por a scucha for di un mayor angustia, nan a haya varios carta cu nan mester paga pero te na e momentonan aki nan no a haya chens pa por paga “schoolgeld”.
DIARIO no a haya e relato completo emiti door di e mayor cu a keda di haci esaki, pero lo ta bon pa e hacie den manera di remitido pa e ora ey nos por tuma contacto cune. Ya caba nos tin algun dato cu el a suministra na nos mesa di redaccion.
Sin duda algun e situacion aki ta uno cu ta sosode den hopi hogar na Aruba. Mayornan ta pasa den situacionnan dificil mientras cu e muchanan ta pasa door di situacionnan inhusto.
Ta bon pa menciona cu danki Dios tin personanan bondadoso cu ta dispuesto pa yuda famianan cu ta pasando den momentonan dificil. Manera ta ser bisa, tin angelnan guardian pa nos muchanan cu ta dispuesto pa brinda un man.
Na otro banda, ta bon pa menciona cu ora cu e ley di enseñanza obligatorio worde implementa na Aruba e enseñanza na nos isla mester bira ademas di obligatorio tambe gratuito pa e ora cosnan asina no sigui sosode.
v.h.c.
Na un scol na Dakota nan no a permiti e muchanan sin schoolgeld hanja nan rapport, ni bay fiesta di sinterklaas cu no ta nisikiera organoza pa skoa, pero pa bende rifa di school pa celebra 50anja si e muchanan sin schoolgeld mag di bende.
Dicon pa un cos no pero pa un otro cos si?????
si nan no ta bon pa hanja rapport of bay fiesta di sinterklaas, nan no ta bon pa bende rifa tampoco.
C.E.Croes
Na Aruba no tin leerplicht, dus no por obliga e mayornan pa paga Schoolgeld of pa manda nan yoeinan school. Jammer pa e muchanan cu nan mayornan no tin e manera ey pa paga e school. Pero berguenza pa Gobierno di Aruba cu añas caba ta nenga e verzoek di maestronan di school pa zorg pa un leerplicht. Gobierno Hulanda no mester keha e muchanan Arubiano cu ta bin Hulanda zonder opleiding, nan mester keha Gobierno di Aruba cu no ta zorg pa nan yoeinan haya bon educacion y pone Gobierno di Aruba onder druk pa zorg pa un wettelijke leerplicht mas liher possible.