Home Editorial E diferencia di estilo politico!

E diferencia di estilo politico!

3
2
SHARE
- Advertisement -

jossy_mansur_pic Ya for di un principio caba bo por nota e cambio radical cu Pueblo a introduci cu su voto den e comportacion di e politiconan cu a competi pa su confianza. Den Parlamento esaki ta notable, unda ta resalta e diferencia di acercamento, argumentacion y exposicion di ideanan y posturanan na fabor di Aruba y su Pueblo, Na un banda bo ta haya e fraccion di MEP cu su mesun vicionan (mentira, difamacion, ofensa) y den e posicion contrario, esta esun di AVP (berdad, seriedad, profundidad) y respet pa e persona di e contrincante, enfocando solamente su ideanan!

         Cualke observador lo por a nota caba e diferencia entre un Juan David Yrausquin y cualke miembro di MEP den Parlamento. Doño di principionan categorico, Juan David no tey pa haci wega, o purba gana prestigio a base di ficcion o promesa falso, sino cu e ta haci su desplieguenan cu berdad su dilanti. Si bo acople na e manifestacionnan di Michelle Winklaar, otro exponente briyante di AVP, y Andy Lee, catedratico di etica y conocimento di cualke materia cu e expone, o un Paul Croes hopi profesional den su enfokenan cu e ta haci cu un profundidad excepcional a base di su experiencia y saber di e topiconan bao discusion, bo ta haya un conhunto di Parlamentarionan digno di e palabra. Pasando pa Richard Visser y su pasion pa deporte y saber profundo di e mundo di medicina, o Alex Tromp, otro gran exponente di AVP den Parlamento, forma a base di Ley y su interpretacionnan, activo den tur momento na fabor di e Pueblo votador cu a faborece cu su confianza, no ta necesario pa mi extende mi mes te e otro miembronan di Parlamento di AVP. Nos ta dilanti di dos school di pensamento radicalmente opuesto, uno dirigi na friends and family (MEP), y e otro dirigi na logra e mayor bon pa e mayor cantidad di hende (AVP)!

         Si bo pone e politiconan Parlamentario ey banda di e piezanan di museo di MEP, bo mester sinti bo mes orguyoso di a kere den nan te e punto di elegi nan pa encabeza e liderazgo politico nobo di Aruba, y feliz cu bo a manda esnan di MEP bay keinta banki di oposicion pa por lo menos dos eleccion mas. Aruba di berdad a sali gana cu e cambio, di esey no tin ningun clase di duda!
Pa mi bay sinta perde mi tempo comparando un señor politico manera Mike Eman cu un mitomano manera Nel Oduber mi ta bay tin mester di hopi curashi y resistencia pa evita descripcionnan curu, pero ampliamente descriptivo. Un (Nel) tabata kere den e mistificacion di mentira den su afan di presente como e berdad, y e otro (Mike) no a haci otro cos cu subscribi su mes na loke ta e realidad pragmatico di su Pueblo y su isla. Nel tabata kere ciegamente den faborece delaster un di e miembronan di su famia y a crea den e proceso un Oduberismo usurpador di e puestonan den Gobierno cu otro miembronan di Pueblo tambe tabata tin derecho di obtene, pero no tabata conta cu un nepotista di tal magnitud. Ni durante e dos gobiernonan di Henny mi a mira un solo Eman den servicio di Gobierno, excepto esun cu a aparece riba lista di MEP y a ser faboreci cu delaster un beneficio obtenible djis pasobra e tabata forma parti di e clan di Nel.

           E aspecto mas positivo di henter e asunto ta cu ya nos ta experienciando caba un diferencia categorico di estilo den e gobernacion di Aruba. E problemanan por ta grandi, pero e talento cu AVP a pone riba mesa ta, den mi concepto, mes o mas grandi cu nan. Cu semehante capacidad di conduccion y guia, ta dificil pa Aruba no ser bon sirbi den e añanan venidero. Cumpliendo ademas cu e deber cu nan calidad ta impone, mi no tin duda cu nan lo sa di soluciona e problemanan relaciona cu e politica interno petrifica di Aruba, ademas di logra elimina e contrariedadnan economico y financiero cu e Gobierno mas nefasto cu nos isla a yega di conoce a crea.

            Resumiendo loke a pasa, mi ta convenci cu e Pueblo votador a relega e epoca di e cacikenan parokial pa olvido. Ya e gritonan prepotente di “ta nos ta manda” a desaparece y na nan lugar a surgi voznan templa, ecuanime y propagador di paz y di trabao, como e unico medionan cu por regenera loke MEP a destrui cu su arogancia di poder.

             No por perde for di bista cu e impunidad cu cual e partido geel a trata su delincuentenan no por keda sin ser investiga profundamente. E incalificable inhusticia cu el a genera no por keda como un ehemplo bergonzoso di con e poder gubernamental den man di un set di malandro por burla di e Leynan di nos pais sin atene nan mes na e consecuencianan obligatorio!.

- Advertisement -

2 COMMENTS

  1. Sr. Mansur,

    Atrobe mi tin di elogiá e bunita palabra nan aki.

    AVP ta demostrando kon professional nan ta y con nan ta PA E PUEBLO ……DIOS a juda pa pone ARUBA den man di e rescatadornan di AVP ! …

    E partido di MEP ku tur e malandro ney berdaderamente ta purba bringa AVP pero AVP ta bon para den nan zapato y MEP por sapatia grita sclama y jora pero nan a wordo MANDA KAS PA E PUEBLO !!!!
    MEP ta un partido dictador y comunista ku kier keda ku ” el moro, oro y cachibaché ” esey no por ! Pesey nan a keda ” sin el chibo y sin el mecate ”

    AVP ta ARUBA y ARUBA ta AVP !!!!

    ARUBA ARIBA
    DIOS bendishoná ARUBA y AVP pa nan tin tur energia pa hasi nan trabow. Y un bedishon speciaal na nos Prome Minsiter Mike Eman !!!!

  2. Ami tambe ta wak e cambio, ta sinti cu tin hende ariba hasiendo su trabow i esey ta e idea ban spera nan sigi mantene i reforza e gana di traha na fabor di henter e comunidad.

DUNA COMENTARIO

Please enter your comment!
Please enter your name here