E meta principal a worde logra di restablece e relacion di confianza cu no tabata existi entre KLM y Aruba
Minister Oduber ta kere ta bay tin noticianan sumamente positivo pa pais ArubaORANJESTAD (AAN): Minister Otmar Oduber hunto cu Prome Minister Mike Eman a topa cu presidente di KLM. E intencion di e gobierno nobo ta pa trece KLM back Aruba. A puntra e mandatario pa splica con a bay cu e reunion aki y kico ta e speranza pa haya e pahra blauw back na Aruba. El a bisa cu ora ta papia di un destinacion di calidad y cu tog a base di e fondonan di contingencia cu gobierno a pone na disposicion di ATA a logra unicamente, pasobra e tabata un caida di 2.6 porciento compara cu otro paisnan den region cu a cay cu riba 6 of 7 porciento.
Peculiar cerca Aruba tabata ta cu e placa cu ta worde genera cerca e hotelnan y cu ta e entrada cu pais Aruba ta ricibi for di turismo a cay cu casi 14 porciento, a señala.
Akinan ta papiando di un suma significativo, casi 7% di nos GDP cu a cay den e caso aki y tur esaki tin di haber cu eleva e calidad di bo producto cu yama Aruba, a agrega.
Den cuadro di esaki for di prome cu nan a drenta Gobierno, lider di Partido e tempo ey, awe Prome Minister Mike Eman a hiba combersacionnan cu e minister hulandes encarga cu cual nan lo tabata tin ayera un reunion, a inicia e proceso.
Despues, Minister Oduber cu Sr. de Jong cu ta e government agent di KLM, a base di cartanan cu tabata tin entre nan y hasta yamadanan telefonico siman pasa a conduci cu Diaranzon Prome Minister y su persona a sinta cu Sr. Hartman como tambe Sr. de Jong na mesa.
E meta principal a worde logra caminda ta restablece e relacion di confianza cu no tabata existi entre KLM y Aruba, a enfatiza.
Esaki ya caba ta un gran logro pa loke ta trata e beneficionan cu ta bin for di e combersacionnan aki pa tanto KLM como pa Aruba, a indica.
A enfatiza cu Gobierno ta hopi positivo pa motibo di e combersacion di cual e no por a divulga su contenido na e momentonan aki. E ta kere ta bay tin noticianan sumamente positivo pa pais Aruba, a declara.
Frans
Claro cu tin noticianan positivo na caminda pa loke ta trata (y NO “pa cu”) KLM su vuelonan pa Aruba. Den differente medio di prensa na Hulanda, KLM – na momento di stop di bula pa Aruba – a laga sa cu probablemente nan lo bai reanuda e vuelonan despues di un aña.
Si, of mihor bisá, ORA nan bolbe, e pregunta grandi lo ta, si EN BERDAD ta merito di gobierno, of si ta djies un businessplan KLM a efectuá….ami si sa kico lo aparece den media na Aruba….