Home General Gobierno anterior a nombra Harold Henriquez pa restructura Utilities

Gobierno anterior a nombra Harold Henriquez pa restructura Utilities

1
0
SHARE
- Advertisement -

Den su trayectoria nunca a papia di retiro:
Sr. Oduber a pidie si pa acomoda sr. Marlon Werleman aden!
ORANJESTAD (AAN) – Siguiendo cu e declaracion di sr. Harold Henriquez, den entrevista cu nos redaccion, el a splica cu tempo cu el a bira director di Utilities NV, el a bin traha a base di horario di mitad dia. Señor Henriquez a asumi su cargo precisamente pasobra gobierno anterior kier nombra un director nobo y ora el a yega, ya caba nan a reemplaza e Hunta di Comisario completamente, y nan a pidi sr.Henriquez pa tuma over e cargo di director.
Nan a acerca su persona como un profesional y a base di su experiencia y conocimento riba diferente tereno, pero no tabata tin ningun tarea specifico. E tarea general tabata pa e percura pa restructura e compania, y trece mas claridad.

Loke el a haci ta traha un lista di prioridad, cu el a mira masha importante pa haci, cu el a duna e Hunta di Comisario y a pidi nan pa conhuntamente purba ehecuta tur e puntonan aki, cu ta cosnan cu no por keda cla den un of dos luna.

Un di e puntonan aki tabata pa studia e posibilidad pa fusiona e companianan di utilidad, pa locual el a conseha pa ta masha cauteloso, y studia su consecuencianan tanto huridico como financiero, y basa riba e resultadonan di esaki tuma un decision final.

E ta haya cu na prome bista e ta parce un decision logico pa kico ta e trabao cu ELMAR y tambe WEB ta haciendo, y kico realmente e funcion di Utilities ta.

Nan a cuminza haci e estudio (investigacion informativo) aki door di KPMG, na WEB cual por cierto, a keda cla, y esun di ELMAR ta pendiente, y ta na encargo di PriceWaterhouseCoopers. Anto, a base di e investigacion aki por tin un bista kico realmente e cantidad basico di hende cu un y otro compania mester tin ta, y mirando otro aspectonan, por tuma un decision concreto.

Den su trayectoria como director di e instancia, nunca tabata tin discusion cu ta bay prepara un otro hende. Esaki ta algo cu nunca a bin riba mesa, y tampoco sr. Henriquez a mustra interes pa retira.

“ Esaki a cay manera un sorpresa masha desagradable pa ami. Ta algo cu mi no a spera ningun momento cu lo yega un punto cu, na ultimo momento via Hunta di Comisario, mi a haya sa cu aparentemente tabata tin un intencion pa retira mi, pa pone sr. Werleman den mi funcion.

“ Pues, e ta un sorpresa total, pasobra meneer Oduber a bisa mi cu e kier wak si mi por yude pa acomoda meneer Werleman. Pero ami a interpreta esaki otro, y mi bise cu tin dos vacatura, un pa comisario di Utilities y un pa comisario di WEB, pues tin e posibilidad pa acomoda meneer Werleman.

“ Ningun momento, ami cu meneer Oduber no a discuti mi funcion, prome cu e decision a cay. Pues, manera mi tin entendi e decision a cay dia 9 di September y prome cu esey ningun momento nos a discuti mi funcion”, sr. Harold Henriquez a remarca.

E ta corda cu dia 11 di September tabata tin e recepcion di despedida di ing. Lacle for di WEB cu a baha cu pension, y sr. Henriquez a topa cu ex-prome minister Oduber e ora ey, pero e no a mencione nada riba e punto aki.

Te ainda sr. Henriquez no a papia tocante e asunto cu ex-premier Oduber. Solamente den Hunta di Comisario esaki a worde discuti.

- Advertisement -

DUNA COMENTARIO

Please enter your comment!
Please enter your name here