Gobierno ta confima cancelacionan di nombracionnan iresponsable haci door di e Gobierno anterior
A base di conseho cu Gobierno a haya di Departamento Huridico y di Finanzas…
Trahadornan cu ta wordo manda cas no lo wordo perhudica, segun Minister Oduber
ORANJESTAD (AAN): Den matutino DIARIO a sali publicacion riba algun cambio y retiro cu lo cay den e maneho di turismo. Un di nan ta regreso di Glenny Tromp y Charles Oduber trahando den ATA Europa. Tambe retiro di Junior Arends ex parlamentario y Ingela Lacle na e departamento di turismo crusero.
Den entrevista cu minister Otmar Oduber a mustre riba e publicacion aki y kier a confirma cerca dje si berdad esey ta e caso.
Den cuadro di restructuracion den maneho di gobierno tin cierto decision a worde tuma. E restructuracion aki no solamente ta tumando lugar den su ministerio, pero den Gobierno den su totalidad.
Varios di esnan cu ta ser manda cas ta netamente esnan engaña pa e gobierno anterior segun minister Otmar Oduber.
Nan ta bisa cu sin diferencia nomber, decisionnan cu gobierno anterior a tuma, den momentonan di despedida di e gobierno, a pone cu a manipula cu hopi hende caminda cu lo a engaña nan ariba nombracionnan cu a tuma lugar.
A manda decisionnan di Conseho di Minister den ultimo oranan di e gobierno anterior sin cu esakinan tabata tin un vakatura of placanan presupuesta pe, a bisa.
Por lo tanto, e minister a manifesta, a base di consehonan cu nan a ricibi tanto di Departamento Huridico di Gobierno di Aruba como tambe Departamento di Finanzas y e departamentonan concerni caminda cu e personanan aki a wordo nombra, Conseho di Minister a sigui e consehonan aki.
Ley sigur no conoce Gobierno di MEP of Gobierno di AVP. Nan conoce Gobierno y e minister cu ta encarga e momentonan ey ta responsable den Parlamento, a subraya.
Loke a sosode den e nombracion di e personanan aki ta cu no tabata tin un presupuesto. Ya caba pais Aruba a conoce 98 miyon florin cu nan a bin haya di sorpresa pa loke ta trata e deficit financiero di nos presupuesto.
Gobierno di AVP sinta awe como ministernan ta personalmente responsable cu si no tin presupuesto pa e personanan aki, e ora ey abo mester carga e responsabilidad den Parlamento.
A base di e consehonan ey, a agrega, cu nan ta haya for di Departamento Huridico y di Departamento di Finanzas a dicidi cu e decisionnan iresponsabel cu e gobierno anterior a tuma, mester wordo cancela semper sin perhudica e trahadornan, esta zorg pa paga nan e tempo cu nan a traha. Nan por cana nan caminda segun ley si nan ta sinti cu nan a wordo perhudica, a bisa.
t'asina ta
SORRY e personanan aki sa masha masha bon mes di LEY, tur 2 personan tin basta anja y experienca pa sa ku no por djies dunanna un puesto halto sin presupuesto, ta djies atrobe friends and family ta hungando un rol grandi akinan, ruman homber di nel oduber ku ja caba ta ku pensioen ta hanja toch trabow y ta ganado mas ku su mes un ruman esta nel oduber, no bin ku mentiras of purba di hasi hende kens, ta na su lugar pa manda e meneer ki kas, e la gana asina hopi plaka kaba den un anja ku e por biba trankil cu su pensioen, tambe sra glennie tromp, mes un kos, tabata masha bon trahando como marketing na ata, y asina ku eddie briesen a bira minister di turismo a laga su puesto habri si akaso algo pasa cu ne, e lo bolbe bek pa su puesto anterior na ata, anto keriendo cu mep lo gana atrobe a disidi di bai europa pasobra su jui ta studiando na hulanda, ku eddie briesen a mandele como atrobe friends and family ku un salsrio halto ku kas, telefon tur prepaga, habri wowo shonnan, awor sigur e tal srta. glennie tromp lo bai traha normal den su puesto biuew bek na ata, manera nada no a pasa, strobando vakatura pa un otro persona(nan).
por favor kontrola tambe, otronan ku a hinka familiares nan den departamento komo friends and family lagando puestonan atras ku otro perso(nan) ku mas experiensia sin trabow!
pero e gobierno nobo aki sigur no tin bril di palu y sa kaba kem tur es hende nan aki pa e sigi ku su bon trabow di cancela tur e bakemunderia cu eddie briesen a hasi pa hanja voto!
biba gobierno nobo