Hopi hende kier sa di con Nel y hefenan na Censo a reuni na forma clandestino
Desde luna pasa ya caba Nel no tin ningun funcion mas…
ORANJESTAD (AAN): Algo raro a socede siman pasa Diaranzon, 4 di November. Tin indicacion fuerte, cu net despues di horario di trabao Nel Oduber a drenta den un reunion cu Sra hefe di bevolking y e supuesto experto di inicial M. na edificio di Bevolking. Cu cua petchi Nel a bay eynan? Paso te ainda cu pueblo sa Nel ta out y ta un simpel ciudadano mescos cu nos cu ningun poder mas, ya cu e no ta ni parlamentario ni minister mas. Solamente e ta un mal perdedo di e partido di futbol manera e mes a expresa den su furia di perdedo.
Cu ken su autorisacion e ta haci esey y kico lo ta e topico di e reunion, el a bay indica un ku otro o cobra pa su fabor? Algo incomprendibel !
Pesey nos Prome Minister actual Mr. Mike Eman, mester watch tur e hefe postisonan cu Mep a pone. Y no lubida cu mester pone hende clave y di confianza di AVP den tur e departamentonan Gubernamental.
Y no doblega pa nada di mundo y percura pa ningun di e nombramentonan descabeya di ultimo ora no ser permiti bou di ningun circunstancia.
E gobierno saliente a actua un biaha mas totalmente iresponsabel y esey ta lamentable pa su pober votadornan cu a kere den nan, pero den e situacion actual cu no tin presupuesto nos mester bay wak con e advies lo ta di e personanan concerni pa wak si nan ta keda obhetivo y nada di “mits begroot”.
Y si acaso tin presupuesto mes, anto esnan cu merece di ta eynan ta e campañadornan di AVP y no mas esnan di MEP aki, ya cu na 2001 e partido geel sin escrupulo a kita hopi hende di AVP, no ta bon pa paga malo cu malo, pero e gobierno saliente aki a actua concientemente di mala fe hasta te na ultimo.
Pesey hopi hende no kier tende mes di un investigacion cientifico, pero un investigacion berdadero. Y na nos Parlamentarionan, boso cambio ta pa hisa e calidad di Parlamento pesey para duro manera mester ta .
Un palabra na e damanan Parlamentarionan di Mep cu toch a demostra un tiki seriedad di keda y no a imita e ouwe bokken parlamentarionan di Mep.
Te ainda ta pueblo ta paga pa nan trabao anto ta exihi pa cumpli tambe cu nan orario di trabao, mescos cu pueblo tambe mester cumpli cu di nan pa nan por cobra, awel pesey ta recomendabel pa bin cu un regeling y aplica timeclock pa no work-no pay.
