Irfan Alam y Mike Eman a topa otro atrobe
ORANJESTAD (AAN): Irfan Alam ta un hoben yiu di mama Arubiano. E ta naci na Hulanda pero for di algun aña e ta siguiendo e trayecto di Mike Eman. Na mas cu un occasion ora cu e bin Aruba e ta bay bishita e lider di partido AVP. E hoben aki tabata considera Mike Eman como un burgemeester y asina e tabata yame tambe. Awor cu Mike Eman a haci su prome bishita oficial na Hulanda como Prome Minister di pais Aruba e hoben a busca su drechi. Awor tabata mas facil pa Irfan yega cerca Prome Minister. Personalmente el a logra algun minuut liber di e agenda di Prome Minister pa pasa cuminde.
E saludo aki a bay hunto cu un regalo special cu el a busca pa e prome mandatario di pais Aruba.
Prome Minister tambe a probecha di e occasion pa regala un pin special di bandera di Aruba y pega esaki na e camisa di su admirador.
Hunto cu Irfan tambe su ruman Saima a haya un regalito. Tur dos menor tabata acompaña pa nan tata Matin.
Nan a keda contento mescos cu hopi otro cu awor nan por a topa na Hulanda mes cu e prome minister di Aruba Mike Eman.
