Kier enfoca riba e funcionamento optimal di e casnan comercial cu ta lanta pa brinda cuido na nos grandinan
Segun director di DAS:
ORANJESTAD (AAN): Pa loke ta e cas di nos grandinan tin un demanda. Hopi biaha na Aruba e familiarnan mes kier cuida nan grandinan. Sinembargo e peso pa haci esaki ta hopi. Asina mes tin necesidad pa e tipo di casnan cu ta lanta pa duna atencion na nos grandinan. Pa motibo di malesa hopi biaha e famia no por atende cu e grandinan y ta busca un manera pa e grandinan ser atendi.
Den entrevista cu Stanley Heinze, director di Departamento di Asuntonan Social a indica cu tabata tin hopi keho den pasado no riba e trato riba su mes pero riba e funcionamento optimal di e casnan aki.
A laga sa cu actualmente. Relaciona cu e caso di Cas Adriana, tin un directiva nobo ta sinta cu pensamentonan nobo riba dje y e contacto di DAS cu nan ta bon.
Banda di esaki a indica cu tin un demanda berdad y hopi biaha ta bay den e sentido cu na Aruba no tin e problema cu hendenan no kier cuida nan grandinan. E problema ta cu hopi biaha e peso di e cuido ta asina grandi y cu no tin alivio pa nan.
E casnan comercial cu ta lanta, cada ciudadano por paga y pone cu un anciano por drenta den e cas ey a lanta pasobra tabata tin un necesidad.
E punto cardinal ta con ta alivia esnan cu tin cu cuida nan grandi caminda nan por tin un espacio pa hiba un propio bida, a bisa.
Akinan ta papia di personanan cu pa motibo di maleza no por vang op nan grandi y ora cu e por bay un centro nan por tin un descanso.
E acogida pa e grandinan mester ta riba un nivel cu nan no lo mester sinti e diferencia di ta na cas of di ta den e centro. E calidad ey, esey DAS kier bay riba dje, Sr. Heinze a subraya.
