Ley di admision por beneficia nos mercado laboral
Presidente di KvK Edwin Roos:
ORANJESTAD (AAN) — Na Hulanda tambe tin admision liber di ciudadanonan, incluso for di Islanan cu ta keda cerca di teritorio Hulandes, pero tin rekisitonan pa por establece den e pais, y sr. Roos ta kere cu Aruba tambe por maneha esaki na un forma similar. Esey ta comentario di Presidente di Camara di Comercio y Industria, sr. Edwin Roos, kende a bisa cu un di e aspectonan cu nos mester tin cuidao cune, por ehemplo riba tereno di vivienda.
Kizas, el a subraya, esaki ta un di e motibonan cu mr. Bikker ta referi of ta pensando riba dje, den sentido cu e pensionadonan di tur otro parti di Reino por kier bin Aruba, cumpra tur e casnan barata di e parti abao di e mercado, entro otronan parehanan so, anto asina por kita nos clase trahador cu entrada humilde, e oportunidad pa yega na nan mes cas, pasobra hendenan di otro partinan di Reino a cumpra nan.
Den esey, el a subraya, mester tin un maneho demografico tambe. Roos a menciona cu poco tempo pasa e tabata den un programa di television cu (ex) minister Wever unda nan a toca e tema aki y nan el a comenta cu pa cierto trabaonan specializa, ni Arubiano cu por haci e trabao aki ta bin Aruba bek anto mester busca otro hendenan pa yena e cuponan aki.
Tambe ta hunga un rol, cu si nos tin un competencia pa un cierto trabao, e ta bon pa nos propio hendenan tambe pa nan calidad. E ta kere cu Aruba a madura suficientemente, cu no mester tin miedo mas pa competencia riba ningun tereno, y tampoco pa nos hendenan pasobra nan tin bon educacion.
Mayoria di e empleadornan si nan por scoge entre un Hulandes di otro parti di Reino y un Arubiano cu e mesun calificacion, nan ta scoge e Arubiano tog. Segun sr. Roos e parti cu mester tin proteccion mas tanto, pa locual a introduci e ley aki, su validez a disminui.
Sr. Roos a señala cu KvK a fiha su posicion y e mester bay man den man cu un bon maneho. Posicion di Camara di Comercio, den poco palabra ta: “transito liber di ciudadanonan di Reino” y e ta kere cu tanto mr. Bikker como sr. Wever a bisa esaki tambe.
Basicamente e ta encera cu ciudadanonan Mericano tambe tin e mesun derecho pa via di un tratado cu tin entre Hulanda y Merca. KvK su punto di bista ta cu e admision liber pa e ciudadanonan di Reino Hulandes y Mericano ta posible, pero cu un maneho cu establecimento ta di tal forma cu legalmente ta proteha e ciudadanonan di nos comunidad.
Carlos Severino Tromp
No por ta asina; ku pa un man jen di €URO nos ta bai perde nos Isla Aruba. Tanpoco hende ta biba solamente di Pan. Y ningun hende por sirbi 2 shon: Dios i rikesa.
sr. Edwin Roos, cu tur respet pabo persona, pero bo ta FOUT,
E asunto: Admision liber pa e ciudadanonan di Reino Hulandes y Mericano “NO Por”, di ningun manera por. Hulandesnan a studia con nan ta koi Aruba hopi aña pasa caba y awo cu nan double triple check tur strategia ku VERGROOT GLAS. Awo mr. H. Ballin y su Team di Schaakspel ta sigur Schaakmaat ta hunga sinterklaas paso nan ta sigur cu unico manera ku nan por koi Aruba i pone nos na rudia ta ku nan haña admishon liber den Aruba, djei cumpra tur tereno i negoshinan ariba Aruba i MODERADAMENTE nan ta KOLONISA nos.
(sr. Roos ta kere cu Aruba tambe por maneha esaki na un forma similar). “Por plata balia el PERRO”
sr. Roos, Aruba no por maneha e situashon ei ni ta prepara tanpoco. sr. Roos ta conciente di tur loke a pasa e ultimo 25 aña nan di gobernashon pa no papia mes di e 8 ultimo nan. Gobiernonan inkapas ku pa un man jen di FLORIN a bende ¾ di Aruba estrangula e Pueblo, i awo ta €URO nan ta haña i Dollar como tip. “Por plata balia el PERRO”
Danki Dios cu sr. J. Mansur/DiarioAruba tei (tambe mr. Andin Bikker) de lo contrario mr. Mike Eman no ta Prome Minister di Aruba ni cuanto bunita ela papia ku Pueblo, paso ta sr. J. Mansur/DiarioAruba a kita e Brilnan di Palo cu awordo husa e ultimo 25 añanan aki tanto door di Pueblo, Oposishon y di Gobierno Gobierno mes.
Carlos Severino Tromp
sr. Edwin Roos, cu tur respet pabo persona, pero bo ta fayando y prome bo daña KOS, miho bo retira Inmediatamente, sin pense dos bes.
Ami no ta MEP, pero MEP ta bringando e asunto aki admision liber pa e ciudadanonan di Reino Hulandes y Mericano y lo mi para banda di MEP den e rond aki si AVP pa un man jen di €URO bai RUDIA y BENDE ARUBA ku e Hulandesnan, igual si “AVP” abceta Investigashon Ficticio contra MEP.
Tico Suarez
Mr. Roos danki pa menciona e punto importante di vivienda. Prome ministro di e isla di Barbados tabata buscando un ley pa proteha su hendenan di tur e cambionan cu a bini na su isla exactamente pasobra mericanonan y britaniconan tabata cumpra e viviendanan y prijsnan tabata sube asina hopi cu despues e mes un nativonan no por a paga nan impuesto de cas pasobra e casnan tabata tin prijs halto y esaki ta afecta impuesto riba cas.
Mi no ta gusta nanda di loque ta pasando cu e aspecto di liber admision. E one world government ta na caminda y e ta bai perhudica hopi hende na nan lugar. Otro aspecto ta cu hopi hende cu ta biba den areanan friew kier bai afo pasobra nan tin preocupacion cu energia y terrorismo na nan pais. Rubiano no bende bo lugar ni pa maske cuanto miyones nan ofrece bo. Si bo haci’e lo bo arepenti y abo y bo yiunan lo perde nan lugar. E situacion aki ta uno hopi delicado y gobierno mester wak bon con pa deal cu ne.
Dios bendiciona Aruba y su hendenan humilde cu te ainda tin y duna su proteccion.