Home Politica Minister di Salud Publico apoyando cu su participacion, iniciativa di F.D.A.

Minister di Salud Publico apoyando cu su participacion, iniciativa di F.D.A.

0
0
SHARE
- Advertisement -

avprichardvisserRiba dia mundial di Diabetes:
ORANJESTAD (AAN) – Minister di Salud Publico dr. Richard Visser, tambe a participa den e canamento organiza pa Fundacion Diabetico Arubano (F.D.A), diasabra atardi na San Nicolas, en conexicon cu Dia Mundial di Diabetes. Na final di e canamento, DIARIO a entrevista e Minister y a puntre con el a mira e iniciativa aki di F.D.A. E mandatario a expresa cu e haye hopi bon, pasobra diabetes enberdad ta un problema grandi den nos comunidad. El a menciona cu tin 6 mil diabetico, den nos poblacion, cu ta hayando tratamento y como 6 mil mas cu ta sin trabamento, sin conta esnan cu ta birando diabetico y cu kizas nan mes no sa.


E tabata contento di a mira cu diferente mayor a bin cu nan yiunan chikito, pasobra su filosofia ta cu for di mucha, e concientizacion tocante e malesa di sucu mester cuminza, y e ta haya cu na Aruba nos ta laat cu esaki.

E ta contento cu si awor tin gruponan den nos pais cu ta dunando importancia na e problema serio di diabetes, pero e ta kere cu esaki ta un parti chikito di tur loke tin pa haci riba e tereno aki.

E ta kere cu a base di concientizacion e generacionnan mas hoben y esnan cu ta bin nan tras, por custumbra cu un bida mas saludable, kiermen nutricion adecua y movecion, di manera cu den futuro si por baha e costonan di salud. Actualmente, e costo pa cuido di diabeticonan pa loke ta referi AZV ta hopi halto.

Nos a puntra e dignatario, con su gobierno y particularmente su ministerio por colabora cu e fundacion y otro instancianan cu tambe ta traha riba tereno di diabetes, por ehemplo, e Centro Diabetico Aruba, cu ta pertence na INSAM (Instituto Medico San Nicolas) y cu tambe tabata presente pa duna su apoyo.

Minister Visser a señala cu su ministerio kier traha den contacto estrecho cu e organizacionnan aki, pasobra edad pa den nos comunidad mas hende bira diabetico a baha, y mester sigui concientiza nos pueblo na un manera continuo.

El a bisa cu ta intencion di gobierno pa yuda den e organizacion di Centro Diabetico Aruba, cual ainda no ta cla pa habri. E mandatario incluso ta desea pa e centro aki amplia su servicio pa nos hendenan diabetico y nan famia.

E mandatario a subraya cu podise no tur momento e por ta presente den eventonan cu e organizacionnan aki lo sigui efectua, pero e ta apoya nan totalmente pa nan sigui eherce nan trabao, entre otro, pa lucha contra obesidad y otro situacionnan cu por causa diabetes.

DIARIO a puntre kico e ta pensa si entre e diabeticonan mes por lanta un grupo di apoyo, manera tin, por ehemplo, den personanan cu a sufri cancer na pecho, cu nan ta duna sosten y ta comparti experiencianan cu pacientnan nobo, y el a pensa cu esaki ta un bon idea cu tambe por worde promove entre e personanan diabetico.

Riba potret por aprecia Minister di Salud mr. Richard Visser hunto cu señora Lola Geerman, Enfermera di HOH y alavez miembro di Fundacion Diabetico Arubiano. Tambe por mira e mandatario hunto cu e grupo di Centro Diabetico Arubano.

- Advertisement -

DUNA COMENTARIO

Please enter your comment!
Please enter your name here