Home Politica Minister Dowers dispuesto pa aumenta presencia di polis den barionan

Minister Dowers dispuesto pa aumenta presencia di polis den barionan

1
0
SHARE
- Advertisement -

avparthurdowers-3ORANJESTAD (AAN) – Minister di Husticia y Enseñanza, drs. mr. Arthur Dowers, a menciona den conferencia di prensa di gobierno ayera, cu el a pidi KPA pa dune un bista riba e leynan di trafico existente, di cual tin algun basta anticua. El a acentua tambe cu e presencia di polis den bario ta hopi importante, y e ta den proceso pa evalua, hunto cu KPA, con polis por ta mas visible den e barionan. Minister Dowers a menciona cu den pasado fraccion di AVP a pidi e minister anterior, pa loke ta trata seguridad den trafico, pa haci un investigacion locual no a tuma lugar. Sinembargo, e kier haya mas rapido posible e leynan di trafico y tur e proposicionnan cu tin di Departamento di Trafico mes riba cambionan cu por haci pa aumenta e seguridad den trafico motor.

Encuanto e tarea di polis mes, e mandatario a puntra Cuerpo Policial pa bay mira y evalua con nan ta bay combati criminalidad na un manera mas efectivo y aumenta e presencia di polis den e diferente areanan di nos pais y den barionan.

“ E fenomeno di polis di Bario ta uno cu a haya cooperacion den pasado bao un gobernacion di nos mes tambe, y nos kier pa mira cu esaki tin mas efecto den e barionan. Tin hende cu ta keha na e momentonan aki cu nan ta sinti mucho poco e presencia di polis den bario y cu tin inseguridad den e bario tambe. Esaki ta motibo suficiente pa nos pidi na KPA tambe pa bay haci un evaluacion con nos ta bay aumenta e presencia policial den e diferente barionan”, Minister Dowers a remarca.

E mandatario a enfatiza cu basa riba bishita y conversacionnan cu lo sigui cu KPA, e lo mira den e simannan cu ta bay bin, con ta bay stipula e aspectonan di maneho pa aumenta e presencia di polis den bario.

CRIMINALIDAD HUBENIL:

E dignatario a subraya tambe cu otro preocupacion cu a worde acentua cerca Comisario di Polis ta e criminalidad hubenil. Esaki ta algo cu tin e mandatario hopi preocupa, y e ta sinti cu e den su calidad di Minister di Enseñanza mester sinta hunto cu su coleganan di Asunto Social y di Salud Publico, pa wak con por tene mas mucha for di caya, na school, y tambe aumenta e parti di seguridad bao di nos hobennan, den areanan di school, y den tur lugar cu nos hubentud ta frecuenta pa por tin un control un poco mas estricto, y pa asina guia e muchanan den e direccion corecto.

“ E situacion ta alarmante, pa loke ta trata e cantidad di hobennan cu ta cay den criminalidad of cu ta desvia, y nos ta spera cu ora nos bin cu un pakete di medida di e diferente ministernan cu nos lo bay mira un cambio, den un tempo relativamente cortico.

Nos ta bay apunta tambe un persona, specificamente, cu lo bay ta encarga cu loke ta encarga cu prevencion di crimen bao di nos hobennan”, Minister Arthur Dowers a remarca.

- Advertisement -

DUNA COMENTARIO

Please enter your comment!
Please enter your name here