Home General Minister Mike de Meza ta di acuerdo cu interpretacion di estatuto

Minister Mike de Meza ta di acuerdo cu interpretacion di estatuto

2
2
SHARE
- Advertisement -

harolhenministerHarold Henriquez, ta keda director di Utilities NV:
Decision gobierno di MEP ta nulo!
ORANJESTAD (AAN) – Señor Harold Henriquez, director di Utilities Aruba NV, ta keda director di Utilities NV. Nunca el a haya un carta di retiro for di gobierno anterior, ni di e accionista; locual accionista, den persona di sr. Nel Oduber, a haci ta pidi presidente di Hunta di Comisario pa disolve e contrato cu sr. Henriquez. Esaki relaciona cu e nombramento sorpresivo di e ex-parlamentario sr. Marlon Werleman pa ocupa e cargo cu sr. Henriquez tin, sin cu tabata tin vacatura habri.
No obstante, den entrevista cu nos redaccion, sr. Henriquez a informa nos cu e minister nobo sr. Mike de Meza ta di acuerdo cu e interpretacion di e estautonan di Utilities manera su Hunta di Directiva ta mire, di manera cu sr. Henriquez ta keda director, mientras cu e decision di gobierno anterior pa nombra sr. Werleman ta nulo, y e contrato aki no tin validez. No obstante e caso ta den man di abogado.

DEN DETAYE:

Detayando den un tiki mas di profundidad kico a sosode, señor Henriquez a expresa cu na momento cu e tabata papia den hang di Bestuurskantoor, contestando preguntanan di un periodista, e no tabata na haltura di ningun nombramento di señor Werleman como director di Utilities NV. Esaki tabata diamars siman pasa.

Tabata den un reunion di urgencia riba diabierna ultimo, cu el a haya sa definitivamente, cu e directiva di Utilities a worde informa, via un carta cu e presidente di e comision di Utilities a ricibi for di e accionista, e tempo ey señor Oduber, tocante e decision tuma un par di ora prome.

“ E momento ey nos a worde informa cu Hunta di Comisario a haya un carta den cual ta worde bisa cu tabata tin un reunion di accionista, por cierto e fecha cu a worde bisa ta dia 9 di September, den cual ta worde bisa cu nan a dicidi cu ta nombra señor Werleman como Director di Utilities, y den e carta di 21 di October, dirigi na e presidente di Hunta di Comisario, unda e accionista ta pidie pa consecuentemente e ta pidi pa anula e contrato cu e tin cu mi persona”, sr. Harold Henriquez a señala.

Na e momento ey sr. Henriquez a haya sa, y el a yama e Formador pa informe cu e informacion cu el a dune diamars no tabata corecto.

“ Hunta di Comisario di Utilities a laga Derwaarder entrega un carta na e accionista di e momento ey, cu ta señor Oduber, informando e cu nan no por ehecuta su peticion, pa motibo cu e decision di e accionistanan ta nulo. E decision ta viola e estatutonan di Utilities y como tal, legalmente, e no ta existi”, sr. Henriquez a subraya.

El a splica cu e estatuto ta bisa specificamente cu ta un director so por tin, y mientras tanto no tin vacature no por nombra un di dos director. Si hacie tog, e decision ta viola e estatutonan, y el a reitera cu consecuentemente e decision ta nulo.

El a splica tambe cu tin dos aspecto den esaki: un cu ta un decision di e accionistanan cu a tuma lugar dia 9 di September, segun e documento ta bisa, y tin un contrato di trabao firma cu meneer Werleman, door di accionista, cu ta dos aspecto diferente, pero como e decision di accionista ta nulo e base pa e contrato cu sr. Werleman ta disparce.

“ Señor Werleman por bisa cu e tin un contrato ainda pero e tin cu wak kico su validez ta. Pero considerando loke a pasa mi a informa señor Werleman, diabierna, mi ta calcula dia 29, cu e no por aparece na Utilities pasobra na mi opinion su contrato ta nulo y consecuentemente mi no no por admitie akinan como parti di e personal di Utilities”, sr. Harold Henriquez a subraya.

Despues di esey sr. Werleman a tuma contacto cu sr. Henriquez, ken a bise cu e asunto aki ta den man di abogado y e no ta kere cu ta prudente, for di e punto di bista di Utilities, pa mientras tanto cu e caso ta den man di abogado, nan conversa riba e asunto aki.

El a pidie pa nan warda te cu e aspectonan huridico keda trata completamente, pa nan wak con leu nan por bay. Pero na e momentonan aki no ta prudente pa nan tin conversacion cu otro.

“ Nos a informa minister de Meza mesora, despues nos a mande tur e documentonan y informe cu e desaroyo a tuma lugar net na momento cu e traspaso di gobierno a tuma lugar, y nos a splike tambe y mi tin entendi cu e decision di e minister ta cu e ta di acuerdo cu e interpretacion cu e decision di accionista ta nulo, pues mi ta keda como director di Utilities”, sr. Henriquez a subraya. Henriquez a comenta cu e contrato cu e tin ta indefini y asina ta aparece den articulo 2, segun el a comenta.

- Advertisement -

2 COMMENTS

  1. Tanto bal Marlon Werleman Ingeniero of Parlamentario, toch e no tin NOSHON di e “REALIDAD”. 8 aña consecutivo Nelson Oduber lider fracas di MEP a uza é pober Marlon pa su Fechorianan contra su Pueblo cu hacie Prome Minister di Aruba. Toch e pober Marlon no a siña ni sinti nada, ni a mira e desgracia cu su lider fracasa tabata haci cu Aruba y su Pueblo cu sosten di 11 Ja-knikkers!

    Di Ingeniero pa Parlamentario di Parlamentario pa Ja-knikker di Ja-knikker pa director Nulo di Utilities.

    Bijbel ta siña den San Mateo 7:2 Ku e mesun midí ku bo a midí, lo bo wórdo midí.

  2. Solamente hende cu mente di galiña ta kere e lider fracasa di MEP Nelson O. Oduber e mentiroso corrupto ladron sin escrupulo.

    8 aña Ingeniero/Parlamentario Marlon Werleman sinta den parlamento di Aruba bow su BRIL di PALO

DUNA COMENTARIO

Please enter your comment!
Please enter your name here