Minister Sevinger a manda carta pa tur notario pa para firma di documento relaciona cu otorgamento di tereno
Mesun dia cu Marisol a huramenta a pasa tereno erfpacht pa Ritz Carlton…
Tur documento lo wordo analiza prome cu nan wordo firma!
ORANJESTAD (AAN): Den un entrevista cu DIARIO a tene cu minister Benny Sevinger encarga cu Infrastructura a puntre riba cierto decision pa cu su maneho. Segun Benny Sevinger e ta bezig cu algun bishita y pone e vision di gobierno pa e proximo cuater aña. Tabata tin diferente documento cu nan a topa cune y cu ta deposita na diferente notario. A base di e documentonan aki un carta a sali pa director di DIP pa stop tur e proceso pasobra e kier analiza como minister e documentonan aki.
Te hasta un tereno erfpacht a ser pasa un dia prome cu e ex minister Marisol Lopez Tromp a retira segun minister Benny Sevinger.
Den nan analisis, a agrega, tabata tin hopi documento di entre otro terenonan erfpacht cu ta na diferente notario. Den e caso aki e kier wak e documentonan ey prome cu nan worde firma.
Door di esey el a dicidi di manda un carta pa tur e notarionan pa bisa nan pa wanta e documentonan cu ta di gobierno anterior di Minister Marisol Lopez Tromp. E documentonan mester worde manda back pa Minister Sevinger pa e por wak nan prome cu nan tuma un decision ariba nan.
Si mira e hecho cu Minister Marisol Lopez-Tromp, e mesun dia cu el a worde huramenta como parlamentario, el a pasa un tereno erfpacht pa Ritz Carlton, entre otro sabiendo cu e proyecto ey, Gobierno di AVP no ta di acuerdo cune na e tereno cu nan a pasa, a bisa.
Tin otro terenonan, entre otro cu un tereno a worde pasa pa un comerciante cu ta un di e sponsernan di e ex-minister, y cu haya hopi tereno caba y cu atrobe a haya tereno, a indica.
Hopi di e documentonan aki relaciona cu terenonan comercial Minister Sevinger kier mira prome kico e proyecto ta y con e proceso a bay, prome cu director di DIP ta firma den su nomber y cu esaki worde haci.
El a manda notificacion na e director di DIP tambe cu e mester para e firmamento di e terenonan aki. A agrega cu e tin un reunion cu DIP awe y nan lo papia riba tur e proyectonan aki.
Tambe a puntra minister Benny Sevinger si tin mas director cu por a haya un carta unda ta mina nan poder pa firma cualkier proceso.
El a bisa cu e unico cu a haya carta ta DIP notificando e director cu e no mag firma. E trabao di tur dia di e director por sigui normal.
Pa loke ta cosnan cu tin di haber cu dunamento di tereno mester pasa den man di e minister segun Benny Sevinger. E maneho riba dunamento di tereno mester haya un extra vigilancia di e gobierno nobo.
Tromp Marina
Pueblo ban duna mas sosten na Señor Benny Sevinger, nos Minister di Infrastructura cu ta reclamando y defendiendo nos patrimonio ku e muhe corrupta Marisol Lopez Tromp di MEP a horta di nos pa duna su amigo y amiganan corrupto mescos cune.
Morris Neme bon tin berguensa???
Morris Neme tambe ta corrupto pasobra e sa bon cu ta corruptamente el a haña e terenonan, cu proceso corrupto mientras cu e sa bon cu e no tin derecho di ningun manera pa haña tanto tereno asina. Investigashon y husticia pasobra Morris Neme a probecha di oferta corrupto di Marisol Lopez Tromp pa sakia Aruba Dushi Tera
Señor Benny Sevinger, Minister di Infrastructura sigui haci bo trabow y draai terug tur tereno cu Morris N. a haña pasobra corruptamente e a haña nan cu pocesonan fantasma y e pobernan como pober sin plaka pa duna e muhe corrupta Marisol Lopez Tromp broeden de kip no a haña tereno.