Home General No a cana e caminda corecto den caso di ladronicia di motornan...

No a cana e caminda corecto den caso di ladronicia di motornan di boto

0
0
SHARE
- Advertisement -

Ministerio Publico a comete blunder grandi
Aunke tin prueba cu tur e motornan di boto ta horta di Merca!
ORANJESTAD(AAN): Hopi hende a keda asombra di tende cu e trio cu tabata deteni den e caso di ladronicia di motor di boto na Merca a sali liber diabierna ultimo. Polis a detene 6 hende pero a laga 3 bay na un principio caba. E demas detenidonan tur a sali liber diabierna atardi. E caso riba su mes ta basa riba un tip cu a drenta for di Merca, di motornan di boto horta cu ta drentando Aruba pa loco. Ora cu a cuminsa e investigacion, a bin saca afor cu e sospechoso principal O.B. tabata importa e motornan horta y tabata usa otronan pa drecha nan y bendenan pe.

Den e proceso polisnan a bishita diferente adres y a tuma tur e motornan di boto aki den beslag.
Diabierna ultimo Fiscal Lugo, kende ta encarga cu e investigacion, a prolonga detencion di e trio. Pero ora cu nan a bay na Hues Comisario pa e evalua e decision di Ministerio Publico, el a haya cu no tin base pa detene e sospechosonan aki.

Di acuerdo cu Corte, no por detene un hende pa “heling” si no por prueba ladronicia (diefstal). Como cu e hecho castigabel a tuma lugar na Merca, eigenlijk Ministerio Publico mester a warda pa bin un peticion oficial di Merca pa yuda den e investigacion!!!

E ora ey lo tabata mas facil, pasobra e base di e caso lo ta na Merca, na unda e motornan a worde horta. E ora husticia di Aruba por sigui cu e caso trankilamente.

Pero como cu no tin un peticion asina, awor a detene e grupo pa incubrimento siendo cu e base ta “swak”. E posibilidadnan pa Ministerio Publico awor ta pa laga Merca haci e peticion ainda y e ora lo mester detene e grupo bao di un otro cargo, pasobra nos leynan no ta permiti pa bo detene un hende dos bes pa e mesun delito.

Tambe ta existi e posibilidad cu Merca por pidi extradiccion di e trio aki, pa motibo di e delito cu nan a comete riba suela Mericano.

- Advertisement -

DUNA COMENTARIO

Please enter your comment!
Please enter your name here