Home Estilo Orange Grove ta sold out na Sint Maarten y ta cla pa...

Orange Grove ta sold out na Sint Maarten y ta cla pa Aruba diasabra awor!

0
0
SHARE
- Advertisement -

orangegroup3Formando parti di nan tour Caribense
ORANJESTAD (AAN) – Diasabra awor 7 di November 2009 den Don Elias Mansur Ballpark ta tumando lugar e “Reggea Rocks Aruba Festival”. Como atraccion principal lo ta na Aruba e banda for di Hulanda “Orange Grove”. Actualmente e banda ta den nan tour Caribense y lo presenta proximamente na Sint Maarten y despues Aruba. Interesante pa menciona ta cu e promotornan algun dia atras durante un conversacion cu St. Maarten a ricibi e noticia cu cu tur caarchi pa e concierto di Diabierna 6 di November na the Sunset, St. Maarten ta sold out. Esaki ta di tres biaha cu Orange Grove ta presenta na St. Maarten y tur presentacion den pasado como esun awor ta sold out. Orange Grove tin un fanaticada inmenso tanto na St. Maarten y Curacao.

Diasabra awor a yega e oportunidad pa asina Orange Grove presenta na Aruba. E grupo lo ta e atraccion principal pa e prome Reggae Rocks Aruba Festival den Don Elias Mansur Ballpark y ta mustra di ta bay ta algo enorme. E banda ta super contento di por fin yega Aruba y duna e mihor show cu nan por. Tambe nan ta biahando cu un “Surprise Act” y esaki tambe lo acompañanan den nan presentacion aki na Aruba.

Bandanan local cu ta preparando hopi fuerte ta Mystical Connection y Roots y Riddim. Papiando cu integrantenan di Mystical Connection por a compronde cu nan lo bay graba un disco compacto en bibo e anochi aki incluyendo grabacionan pa un video clip.

Pa e evento aki lo tin un solo area y esaki ta hasi cu henter e publico lo ta VIP.
Algo unico di e evento aki ta cu tur persona por drenta cu nan ice-jug bashi y cumpra nan bebidanan paden. Porta ta habri 7:00 PM y ambiente lo start cu DJ Yeimy .

- Advertisement -

DUNA COMENTARIO

Please enter your comment!
Please enter your name here