Archivo di November, 2009
Reunion cu Fraccion di M.E.P. mes a pidi pa yama den Parlamento
Pa trata supuesto trapamento di “Trias Politica” den un reunion pubico
ORANJESTAD (AAN): Diahuebs ultimo tawatin un reunion publico cu a worde yama pa e fraccion di M.E.P. cu karakter di urgencia paso segun e fraccion minoritario den parlamento e Minister Di Husticia Arthur Dowers a mete den Poder Judicial mandando un carta pa corte pa para tur casonan di LAR den corte poniendo asina nos estado di derecho na peliger y na nan opinion e ministro di Husticia lo mester bin responsabilisa su mes den parlamento!
E reunionnan ta sigui intensivo te cu awe diabierna
ORANJESTAD (AAN): Prome minister Mike Eman tabata basta ocupa diahuebs tambe pasobra for di mainta el a Sali topa cu vice presidente di raad van state y despues sigui pa Aruba Huis unda el a sera conoci cu e empleadonan eynan. Despues cu prome minister a sali for di Aruba Huis mesora el a bay atende tres reunion mas. El a cuminsa na bishita Wouter Bos minister di finanzas y vice presidente di Hulanda kende a keda masha contento di e bishita di prome minister. E mandatario aki a expresa riba e importancia pa tin un bon relacion entre paisnan den reino.
Segun Serge Mansur di Democracia Real:
ORANJESTAD (AAN): Segun Serge Mansur di Partido Democracia Real, durante e ultimo dianan nos por a tende di un intencion di Gobierno pa alsnog duna permiso na un cantidad di ilegal na Aruba. Aunke nos no a tende tur e detayenan di e plan aki, nos kier urgi Gobierno pa ta hopi cauteloso den esaki. Partido Democracia Real ta haya cu nos pais mester premia comportacion corecto, y straf comportacion incorecto.
ORANJESTAD.(AAN); Den careda di 7’ or anochi, a drenta informe na central di polis cu un grupo di mucha homber ta spera riba un hoben pa nan dune un aire di sota. Patruya di San Nicolas a bay den Grote Berg weg y polis a topa cu un hoben di inicialnan J.H. y e tin 15 aña. E hoben ta declara na polis cu e ta di bishita cerca un amigo y e ta chat riba laptop. Na dado momento un mucha homber aparentemente un tal “Smily” a yega cerca dje arma cu un bate di aluminio y pa dale cu e obheto.
ORANJESTAD.(AAN):— Mayoria comerciante a laga pone guardia na entrada ya cu constantemente choller ta cana drenta y causa molester na clientenan. Diaranzon atardi tabata e caso ora cu gerente di un supermercado a solicita presencia di polis. E prome informe tabata menciona cu ta trata di maltrato. Polis di Oranjestad a wordo dirigi na e supermercado den West straat. Na yegada agentenan a atende e doño cu a splica polis cu choler a drenta den supermarket y a molestia cliente.
Mester ofrece nan oportunidadnan di trabao, segun Prome Minister
ORANJESTAD (AAN): Si gobierno por traha riba e puntonan unda e debenan di e studiantenan por bira mas pagable si nan bolbe ta algo hopi importante segun Prome Minister Mike Eman.
E responsabilidad pa desaroyo di nos pais mester sosode hunto cu e futuro cu ta e studiantenan tambe cu ta termina nan estudio. Tur hende mester pone nos esfuerzo y energia pa pone e pais Aruba bay dilanti. Mike Eman como Prome Minister a sigui splica cu si nan por traha riba e puntonan caminda e debe ta bira mas pagable pa e studiantenan ora nan regresa.
ORANJESTAD (AAN): DIARIO ta hayando mas y mas informacion cu tin personanan cu a acudi Departamento di Salud Publico pa haya vacuna keriendo cu e vacuna di griep regular, esta “Vaxigrip” ta esun cu ta contra “Swine Flu” of Griep di Porco. DIARIO tin testimonio di personanan cu e aña aki a haya varios dosis di Vaxigrip siendo cu un dosis so nan mester a haya. E dosis aki ta un of dos dosis pa aña dependiendo di e edad di e persona y cuanto miligram el a haya prome.
Segun Minister di Turismo Otmar Oduber
ORANJESTAD (AAN): Durante un entrevista cu minister di Turismo Otmar Oduber mirando cu gobierno ta dirigiendo esfuerzonan pa loke ta e mercado Europeo, nos a puntre mesora si e mercado Europeo ainda ta virgen pa Aruba. Relaciona cu esaki el a bisa cu si. E mercado Europeo mas cu e mercado Mericano. Na e mercado mericano ya caba Aruba tin presencia y loke mester bay haci ta fortifica esaki atrobe pa e mercado mericano tambe.
ORANJESTAD (AAN): Despues cu e informacion a sali publica ayera den DIARIO, nos mesa di redaccion a cuminza haya diferente yamada di lectornan cu tabata duna nan opinion relaciona cu e asunto aki. Por a sinti un disgusto total pa e hecho cu muchanan inocente mester keda sin drenta school pa motibo di placa. Esnan cu ta paga e consecuencianan ta unicamente e muchanan aki cu ta keda sin haya les. Ta conoci cu hopi mayor, vooral den e temporada aki di fin di aña, pero durante henter aña, a pasa y ta pasando momentonan di crisis economico.
ORANJESTAD (AAN)— Recientemente Diario Deportivo tabata presente den e competencia di Ping Pong pa Ranking cu a tuma lugar na Sport Hall Santa Cruz, e competencia aki tabata den cuadro di e ranking pa luna di November. Un cantidad di hungador a presenta pa duna otro bataya den e competencia aki. Den categoria B-class tabatin diferente bon wega y e resultado ta asina: 1.Sandy Ras, 2.Louis Posner, 3.James Letren y 4. Buchi Kelly
Den categoria A-class tabata tin diferente wega preta y e resultado a sali como lo siguiente:
ORANJESTAD (AAN): Aruba ta libera. E criminalnan di MEP a worde bati y nan ta den oposicion awo siguiendo cu nan mentiranan y nan maldad. Y kico nos ta mira! E cobardenan ta sali for di bao cama caminda nan a sconde pa e furia di MEP. Hustamente esnan cu mester tabata critico contra e gobierno maligno di MEP tabata esnan cu a destaca den nan cobardia. Leu nan tabata ora cu e gobernantenan di MEP tabata azota nos pueblo cu un cantidad di medida y tabata yenando nan saconan hortando placa di pueblo.
Mi a ricibi un SMS di John Freddy Montoya relaciona cu e articulo di e siman aki den cual mi a skirbi tocante “mi no tin nada di skirbi”. “Reflexion asina nunca ta noticia di ayera”, el a skirbi mas o menos. Un otro persona tambe a comenta riba esaki diamars anochi indicando cu el a lesa e columna cu placer pensando di unda mi ta saca topico asina y con mi ta crea esakinan. Lo unico cu mi por bisa ta; “mi memoria tin un mente di su mes”. Mi ta corda masha hopi…., pero mi ta lubida masha hopi tambe. Tur cos ta depende con mi mente ta trahando e momentonan ey.
E ta situa na Rotterdam riba Lijnbaan…
ORANJESTAD (AAN): Prome Minister Mike Eman a logra traha un espacio pa core bay come un rato na e restaurant Argentino Los Toros riba Lijnbaan. E restaurant aki tin algun aña habri. Ta trata di un restaurant maneha pa un famia Arubiano.E propietario ta casa cu un Sra Arubiano sali di Piedra Plat. E dinner aki tabata net pa haya energia y sali despues pa e Cafe eybanda mes pa topa cu e studiantenan. Matin kende ta gerente di e negoshi ta casa cu Martika Cruz di Aruba. Nan tin un yiu Irfan cu semper cu e bin Aruba ta busca drechi di lider di AVP Mike Eman.
ORANJESTAD(AAN): Diahuebs Lenin Bolivar S.E mester a presenta dilanti di huez, door cu el a wordo acusa di traficacion di droga. E no a presente como cu el a bay bek Hulanda unda e ta biba, pero e caso contra dje a continua. Segun rapport di polis, Lenin a wordo gara na aeropuerto cu 76 bolita den su curpa, cual segun huez ta despues di 3 dia el a logra saca for di su curpa.
Ta trata di un total di 935,5 gram di cocaina. Lenin a declara cu el a bin Aruba for di Hulanda y un tal Bengi a puntre pa hiba 8000 Euro pe pa Hulanda y el a hasi esaki.
Diadomingo 29 november 2009
ORANJESTAD(AAN)—Enconeccion cu ASU-Olimpiada, Aruba Amateur Weightlifting Association ta organiza nan campionato nacional di hisamento di peso. Esaki ta bay tuma lugar diadomingo dia 29 november 2009 den Compleho Deportivo Frans Figaroa na Noord. Pisamento di atletanan ta 13:00 pm. Competencia ta cuminsa pa 14:00 y ta termina 16:30 di atardi. Varios di nos atletanan ta den preparacion pa cu esaki y lo wordo hisa den categoria di damas, hubenil, junior, senior y master.
