Archivo di November, 2009
ORANJESTAD(AAN): Diahuebs Pablo S.G di 16 aña y Jairo R.P a presenta dilanti di huez, debi na e hecho cu nan a wordo acusa di hunto cu otronan ataca un homber Chines den su auto y bay cu e auto, na 2008. E grupo di hoben a yega cerca di e auto y e homber Chines a lock su porta, pero el a lubida cu e porta di pasahero no tabata na lock. Segun denuncia di e homber, nan a drenta e auto dal y schop e, despues di cual nan a pushe for di e auto y nan a bay cu esaki. E dos acusadonan a admiti cu nan tabata parti di e grupo, pero nan a bisa cu nan no a dal e Chines.
Caso internacional ta desaroya na Aruba!
ORANJESTAD (AAN): Tip a cuminza drenta na autoridad local, via canalnan internacional. E biaha aki, e informe di actividad criminal no tabata encuanto droga, ni labamento di placa…. pero mas bien asunto di Outboard Motor horta for di boto. Recherche na Aruba a cuminza check e asunto, pa wak si enberdad un lote grandi di Outboard Motor di potencia grandi, a worde importa na Aruba. Tabatin indicacion cu nan tur ta procedente di ladronicia na varios parti di Merca, pero principalmente for di estado di Florida.
Durante encuentro cu sector medico ayeranochi
Minister dr. Richard Visser a pidi dokter y enfermeronan pa duna un man
ORANJESTAD (AAN): Durante un evento dedica specialmente na e sector di cuido, esta pa enfermeronan y dokternan, Gobierno a lansa su plan pa cuminsa dentro di poco cu un campaña nacional di vacunacion contra Swine Flu. Manera ta conoci, den estrecho cooperacion cu Hulanda, Departamento di Salubridad Publico a ricibi no menos di 35 mil vacuna. E vacunanan aki ta bay specialmente na gruponan di risico, pues no tur hende mester ricibi un vacuna.
ORANJESTAD (AAN)— Diamars atardi a tuma lugar den Centro Deportivo Betico Croes, weganan di semi final y final di futbol di sala sector Oranjestad, organiza pa IDEFRE. Ekiponan cu a enfrenta otro den semi final tabata Colegio Arubano y Mon Plaisir, mientras cu e otro wega di semi final tabata entre EPB Hato y Maria College. Prome wega di semi final tabata entre EPB Hato y Maria College, aki sigur e prome wega tabata digno di ta un wega di semi final y ambos ekipo a lucha fuerte pa bay cu e victoria, na final di dia tabata EPB Hato a bay cu e victoria cu score di 3-2.
Segun Prome Minister Eman,
ORANJESTAD(AAN): Durante e conferencia di prensa na Hulanda relaciona cu e investigacion independiente cu ta bay tuma lugar riba Aruba, Prome Minister Mike Eman tambe a hiba palabra.
El a trece dilanti cu no ta prome biaha cu Aruba ta traha hunto cu Reino Hulandes pa por wak den cushina y bisa con ta bayendo na Aruba. Eman a bisa cu den pasado mas biaha esaki a tuma lugar, cu e ‘follow up’ necesario.
E porta di Hulanda ta hopi receptivo tur caminda cu Aruba tene reunion
ORANJESTAD (AAN): Gobierno di Aruba tabata tin un reunion sumamente importante cu KLM. E reunion aki a sosode den oranan di atardi na Amsterdam. Cu e encuentro aki por a sinti e drechamento di relacion cu no tabata tey pa hopi tempo. Minister Otmar Oduber a sali for di Aruba cu e cita cla caba cu e director di KLM Sr Hartman presidente director di e compania. Tambe tabata presente vice presidente di asuntonan gubernamental di KLM Willem de Jonge.
Segun Serge Mansur,
ORANJESTAD(AAN): Diamars DIARIO a entrevista presidente di ATIA Serge Mansur, riba un reunion cu a tuma lugar na ATIA. Mansur a splica cu e reunion tabata entre 3 miembro di sindicato y tres miembro di comercio, cu hunto ta bay traha un agenda pa discuti riba e problemanan social cu tin na Aruba. Intencion ta pa despues trece esaki pa Gobierno.
Segun Mansur, a dicidi riba e plataforma mas grandi cu lo kier hiba husticia riba un lina separa y e agenda ey ta cla caba.
Segun Ank Bijleveld,
ORANJESTAD(AAN): Recientemente na Hulanda a tuma lugar firmamento di un acuerdo historico, pa investiga Gobierno anterior. Durante un conferencia di prensa relaciona cu esaki, secretario di estado Hulandes Ank Bijleveld a cuminza na bisa cu e tabata contento di sinta hunto cu tur esnan presente y el a yama un bon bini oficial na Mike Eman, den su rol nobo como Prome Minister.
ORANJESTAD (AAN)—Un grupo grandi di hungador a yega Classic Billiad diahuebs ultimo, pero solamente por a permiti 32 pa drenta e promer qualifier pa Aruba 9-Ball Classic. Den un ambiente di “por fin tin accion”, e grupo di biljaristanan a start den un eliminacion doble “race to 5”. Un total di tres puesto lo ser duna na e top-3 di e torneo aki. Notable tabata e grupo grandi di hoben nan cu a bini pa participa. “D-Gun” Acosta a sali cu victoria riba Alex Ekmeyer 5-2, e ta sigui cu victoria riba “FRX” Tico de Freitas di Curacao cu 5-2, a tumba “Rifleman” Arie Jansen cu 5-3 den un bon wega y por ultimo a pasa riba “Master” Ryan cu 5-1 pa clinch su spot.
Minister Presidente satisfecho cu e prome dianan di reunionnan
ORANJESTAD (AAN): Durante e bishitanan haci diamars por a sinti cerca e gobierno hulandes e interes pa un comienzo nobo cu relacion constructivo y metanan comun cu nos kier logra den Reino Hulandes segun Prome Minister Mike Eman. Ora pone enfasis riba e posibilidadnan pa empresarionan inverti y maneha nan empresa pa e region ta habri e gana cerca e politiconan pa por haci tur tipo di negociacion. E mandatario a agrega cu e empresarionan hulandes por tin entre otro nan permanencia y nan sede na Aruba caminda for di cual nan por maneha nan actividadnan comercial y economico pa e region.
ORANJESTAD.(AAN):– Algun hoben cu aparentemente lo ta alumno di scol a hinca nan mes den un caso serio. Ta incomprendible cu pa un cuarto pa diez cu sigur un di nan mester ta sinta den banki di scol pero a dicidi di subi “Roverspad”. E mainta en cuestion segun a keda registra na central di polis patruya entre otro di Oranjestad cu a haya refuerzo a wordo dirigi pa Cocorobana , E informe di polis a menciona cu tin dos sospechoso cu a kibra drenta den un cas.
E dos patruyanan a presenta mientras tanto y bisiña (nan) a duna polis di conoce cu dos mucha homber a drenta den e cas via bentana.
ORANJESTAD.(AAN): Famianan cu tin crio di cabrito pa hopi aña caba ta haya golpi tras di otro di ladron. E situacion a bira asina alarmante cu esnan di Savaneta na Yara, a dicidi di cera cabez pa logra gara e ladronnan di cabrito. Esaki ya cu poco poco e crio di cabrito ta birando menos y ladronnan ta bira dia pa dia mas sin gevoel. Nan ta forma gang cu auto, cera e cabritonan, gara nan, benta nan den baul di auto of di un jeep blanco cu nan lo ta usa. Parce cu nan lo ta bende entre otro cu cumpradonan individual, hasta cu doño di supermercado.
Segun Rene Bernabela,
ORANJESTAD(AAN): Recientemente sindicatonan den union a topa cu comerciantenan, pa discuti diferente tema, incluyendo e problema di criminalidad den nos pais. Den un entrevista presidente di sindicato TOPA Rene Bernabela a trece dilanti cu el a wordo escogi pa forma parti di e comision di criminalidad. El a splica cu TOPA for di hopi tempo caba ta trece dilanti cu e maneho integral mester bin hunto cu e parti di criminalidad.
ORANJESTAD(AAN): Diahuebs Pablo S.G di 16 aña y Jairo R.P a presenta dilanti di huez, debi na e hecho cu nan a wordo acusa di hunto cu otronan ataca un homber Chines den su auto y bay cu e auto, na 2008. E grupo di hoben a yega cerca di e auto y e homber Chines a lock su porta, pero el a lubida cu e porta di pasahero no tabata na lock. Segun denuncia di e homber, nan a drenta e auto dal y schop e, despues di cual nan a pushe for di e auto y nan a bay cu esaki. E dos acusadonan a admiti cu nan tabata parti di e grupo, pero nan a bisa cu nan no a dal e Chines.
Bless this joyous day. Today an angel named VIRGINIA descented unto the earth. From the very beginning of her journey here on earth, she has been a blessing to everyone’s lives who she has come in contact with. Happy birthday mommy! And many more wonderful years! I pray that your day is filled with love, peace, joy and laughter. Lord knows how my heart longs to be with you on this day. I am with you though, for we are in each other’s hearts. Love from the Netherlands. I miss you in ways which I cannot put into words. Hugs and kisses, Francisca
