Home Hudicial Parke Arikok cu caso contra compania cu ta coba den parke

Parke Arikok cu caso contra compania cu ta coba den parke

1
1
SHARE
- Advertisement -

Judicial*pakinam sinembargo tin permiso di Minister anterior
ORANJESTAD(AAN): Diamars na corte a tuma lugar un caso sumario entama pa Fundacion Parke Nacional Arikok contra e compania Pakinam, cu tin algun decada caba ta hasi trabao di cobamento den e area di e parke. Awor cu tin cierto regla pa loke ta maneho di e parke, e cobamento a bira un problema. Specialmente mirando e hecho cu algun luna pasa un ex Minister a acorda e ley nobo, mientras cu un otro ex Minister di e mesun gobernacion a firma un acuerdo pa Pakinam sigui coba den e parke.
E fundacion na mas cu un occasion a acerca polis pa para e compania di coba, pero pakinam semper tabata tin den su poder e documentonan pa mustra cu nan tin derecho di coba.
Despues di tratamento di e caso, DIARIO a entrevista abogado di Pakinam esta Berti Braam, pa haya sa mas di e caso cu a tuma lugar.

Segun mr. Braam, Pakinam a haya permiso di Minister di gobernacion anterior pa sigui cu e trabaonan di coba, pero e Minister di gobierno nobo a manda un decision nobo pa mustra cu e no ta di acuerdo cu decision di e Minister anterior, pues e kier pa e cobamento stop.

Pesey e fundacion a cuminza e caso y mientras cu decision no cay ainda, e trabaonan di cobamento a para un rato. Huez lo duna su veredicto riba dia 2 di December.
Braam a bisa sinembargo cu e decision di huez lo no ta decision final, pasobra e decision di e Minister actual pa hala aden e decision di e Minister anterior por bay ainda den LAR.
Esaki ta nifica cu ainda lo por tin un trayectoria basta largo pa bay cana.
DIARIO a puntra e abogado ki defensa el a trece.

Segun mr. Braam, su defensa tabata cu Minister Croes a tuma un decision basta cla y motiva, caminda cu el a evalua tur e importancia y el a haya cu Pakinam por sigui cu su trabaonan, pasobra Pakinam tin mas di 30 aña ta hasi su trabaonan eynan.

Braam a sigui bisa cu mirando tur esaki, e Minister actual no por bin di un dia pa otro y bisa cu Pakinam tin cu stop, usando motibonan fofo.

Den corte segun Braam, abogado di Parke Arikok a bisa cu e maneho di duna Pakinam permiso pa sigui coba tabata un asina yama maneho di despedida (‘afscheidsbeleid’), pero esey no ta berdad pasobra ningun hende por tabata sa adelanta con eleccion lo bay.

Segun Braam, e Minister anterior a tuma e decision usando motibonan valido.
DIARIO a puntra e abogado riba e otro companianan cu tambe tabata coba den mesun area y el a splica cu tur e otro companianan ya caba a haya un lugar alternativo pa nan por coba.
Pesey Pakinam ta di opinion cu e lo ta dispuesto pa stop di coba den parke, basta e haya un otro lugar pa coba.

Si esaki no ta e caso, Pakinam lo por exigi daño y perhuicio cu por bira un suma basta halto.
DIARIO a puntra e abogado cuanto e compania ta pone den balance, e intencion di proteha e parke.

Segun Braam, e parke ta wordo proteha, pasobra den e ‘verordening’ ta wordo bisa cu e companianan cu ta coba caba por sigui coba, pero nan no mag di coba mas leu.
Loke nan mester hasi y esaki Pakinam tambe ta hasi, ta coba mas profundo.
Door di coba mas profundo, bo no ta causa daño na e parke.

- Advertisement -

1 COMMENT

  1. Mi ta kere cu Parke ta bay mucho leuw.Tin hopi tereno propiedad cu a ser tuma dentro de e parke,pe Dos Playa, Judith, Asiboca, Baranca Corra etc.Si laga e hendenan ey sigui aki poco dia mester pidi nan permiso pa nos por traha cas p.e. na Rooi Koochi.

DUNA COMENTARIO

Please enter your comment!
Please enter your name here