Parlamentario Yrausquin a cuminza bay trabao riba bicicleta
E ta spaar placa, e ta saludable y bon pa nos medio ambiente:
ORANJESTAD (AAN) – Parlamentario Juan David Yrausquin a sorprende tur hende cu por a mire ayera mainta, bayendo trabao riba bicicleta. Manera ta conoci e ta biba na Alto Vista, y el a dicidi cu ta riba bais e ta bin trabao. DIARIO a entrevista e hoben Parlamentario tocante e iniciativa aki. Nos a puntre si esaki ta un custumber cu e tin caba, of si e ta algo nobo. Yrausquin a señala cu esaki ta un decision cu el a tuma despues di e periodo di campaña, ora el a ripara cu el a cuminza “yena un tiki”. El a bisa cu tempo di campaña tabata hopi intensivo y bon pa su salud, pero aworaki el a haya cu mester haci algo pa movecion, y esaki ta bay trabao cu bicicleta.
Diaranzon cu a pasa el a haya un bais nobo, y ayera tabata e prome dia cu el a use como medio di transporte. E ta kere cu esaki ta algo bon en general, tanto pa salud di hende y pa nos medio ambiente, como tambe pa e cartera. Esaki mirando cu unico gasoline cu ta drenta den su vehiculo aki ta su propio energia, y esaki ta algo hopi positivo.
Ayera el a core bicicleta cu su paña di trabao, pero el a suda un poco, anto awor e ta bay evalua si e siguiente dianan e ta bay mas deportivo y ta cambia den Parlamento, of si e ta sigui bay cu paña di trabao.
E no ta sinti cu e ta asina duro; 17 minuut ta tuma den e trayecto di cas-trabao-cas y unico pida dificil pasobra e ta subi, cu tin ta esun di e rotonda di Tanki Flip pa Ponton, y e ta spera cu e por sigui cu e sistema aki pa hopi tempo. E trafico no ta di e malo ey, solamente un tiki pega mainta, pero gewoon e ta pase bay na banda unda e tin bentaha.
E ta spera cu Minister di Infrastructura por traha un facilidad pa hendenan cu ta transporta riba bicicleta, y e tin entendi cu tin plannan pa esaki caba, y e ta kere cu su ehemplo por motiva e mandatario un tiki mas.
Liliana
Por fin, nan ta cuminsa huza nan cabes. Pa hopi hende esaki lo ta bon. Na Aruba tin hopi hende ‘un tiki yen’. Un problema so tin, e trafico ta mucho peligroso pa e ciclistanan. Automobilistanan ta core mucho duro den bebouwde kom, nan ta pasa den luz cora. Nan no ta respeta e ley di trafico. Nan mester hacie mas safe pa e ciclistanan. Asina so bo por haya mas hende cu lo ta bai core riba nan bais.
Efi
Admirable! Bon ejemplo. Mester mas manera Juan.
Vicente
Hopi bon,e meneer aki sigi asina cu bon ehempel.
hik hik hik
Bon idea pa drecha e camindanan y pone fietspad. Pasobra cu tur e burakonan cu tin riba e camindanan aki, aki poko dia meneer parlamentario lo ta core sin djente.
dex
hopi bon mes,pero mister pone un caminda solmente pa bicicleta.pasobra tin hopi loco ariba caratera,danki.
Maritza
Y tambe pa cuminsa duna respet na e ciclista nan. Pasobra na Aruba nan no ta conta nan den trafico y no ta respeta trafico ni di auto corda hende riba bais. Nan mester cuminsa duna respet na e baisnan tambe door di duna nan nan preferencia ora nan tine.
Rev. Augustin L.
Na holanda i na suriname prakticamente tur hende tin nan bicicleta, nan ta usa esaki pa trabao, deporte i otro deligencianan personal, pero aki na Aruba hopi hende ta pensa cu bicicleta ta pa choler, aki ta un ehempel di un joven vigoroso dono di un compa?nia di autonan luhoso usando bicicleta como medio di transporte pa trabao. Juan felicidades, joven parlamentario manera boso nos tabata tin mester di hopi tempo, cu Dios bendishona boso “”TREMENDO EJEMPEL ;;