Home General Persona cu no a recupera di “guillain barre” kier contact mas persona...

Persona cu no a recupera di “guillain barre” kier contact mas persona cu a pasa den e malesa aki

4
2
SHARE
- Advertisement -

El a haye ora e tabata tin dengue:
ORANJESTAD (AAN) — DIARIO a ricibi reaccion di un cabayero, tocante e articulo relaciona cu e malesa yama: “Syndrome Guillain Barre”, publica den nos edicion di dialuna.E cabayero a haya e malesa aki na momento cu e tabata tin dengue y un docter Hulandes cu a dune e diagnostico a bise cu e ta un mas di e “siete casonan” cu tin na mundo, y esaki ta algo cu a sosode na 2006. Segun e pacient, podise e docter a ekivoca y e kier a bisa un mas di e siete casonan cu por tabata tin den Caribe e momento ey, pero e no tabata sa cu na Aruba tin cuatro hende mas cu a pasa den dje (kizas tin mas pero nan no ta laga sa).
Manera DIARIO mes a comenta den dos articulo caba (esun ultimo ta mas corto y menos detaya cu un publicacion di algun luna pasa, cu nos a entrevista un pacient mes cu a suministra nos hopi informacion valioso) e malesa aki por deriva di un infeccion viral di vianan respiratorio of di un infeccion di tripa, causa pa un virus of bacteria, y den e caso aki mas tanto pa galiña mal prepara (cu a cuminza daña sin cu e consumidor por a nota).

Esaki ta coincidencianan, pero investigacionnan riba tereno medico no ta descarta cu e malesa por ta asocia na cuminda mal prepara. En todo caso, cu e cabayero aki ya DIARIO tin informacion di cinco caso na Aruba, y e pacient aki ta desea di por tuma contacto cu otro personanan cu a sufri di “Guillain Barre”.

E mester di apoyo y sosten pasobra te ainda e no a recupera completamente, su spiernan ta swak y el a bay afo pa busca opinion di otro docternan y tur, na Aruba y afo, ta coincidi cu e tin consecuencia (clinicamente nan ta haye secuela) di e malesa menciona.

Kiermen, cuatro aña mas laat y ainda e no ta recupera totalmente. El a bisa nos cu e no sa mas kico pa haci y e ta sinti cu e otro personanan cu a haya e malesa por dune e fortaleza cu e mester na e momentonan aki cu ainda e ta lucha contra su debilidad fisico.

E meneer a bisa nos cu tur test cu e ta haya for di docternan, den control general ta sali bon. Pero ainda su pianan ta swaak. Kizas, el a bisa nos redaccion, e por haya contesta cerca otro persona cu a pasa den e experiencia aki, tocante e pakico su recuperacion a bay asina lento.

En todo caso, si un of mas di e otro personanan cu a sufri di Guillain Barre na Aruba, ta sinti cu por yuda e cabayero aki, di un of otro manera, cu mas informacion por ehemplo, por comunica cu Mercedes na DIARIO, pa haya e number di telefon di e pacient cu ta urgi pa papia cu un of mas hende cu a pasa den e mesun experiencia aki.

- Advertisement -

2 COMMENTS

  1. Guilain Barret, ta un inflamacion di e nervionan di columna cu ta dirihi movimentonan di man y pia! E ta cura completamente; cu secuelanan , manera poco forsa den un of mas dede di pia of man. E ta dura largo, pasobra nos tin kilometer di nervio den nos curpa, y tur mester drecha, despues di e inflamacion. Especial esun cu ta duna senyal di forsa! Tambe e spiernan cu a krimp y desaparece, mester ser cultiva y built up atrobe. E patient MESTER HANJA hopi fysioterapia!!! Hopi movimento continuamente, Ami a hanje na Aruba, y mi ta bon.(falta un poco mas so)e clave ta PACENSHIIIIII.

  2. Mi conoce un persona cu despues di casi 2 aña a recupera pero no completamente ainda. E persona aki a keda 1 aña na Colombia y despues a keda den Verriet instituut na Corsow caminda ela revalida. Mi no por duna su number sin su permit pero lo mi por puntre si ta ok di su banda pa combersa cu e persona aki

DUNA COMENTARIO

Please enter your comment!
Please enter your name here