Politico Cornelius Wilson deteni sospecha di soborno y falsificacion di documento
Caso di tereno den Colony a cuminsa lora…
ORANJSTAD (AAN): No ta descarta mas detencion segun fuente yega na DIARIO den e investigacion cu ta andando e momentonan aki. Aki ta trata di un caso caminda cu asunto di tereno y fraude cu soborno a haci e prome sospechoso keda deteni. Cornelius Wilson kende diamars tabata na un conferencia di SNAP a lanta diaranzon mainta cu Lands Recherche na su porta di cas. Apart di e presencia di autoridad pa haci e detencion nan a drenta den su cas tambe y bay over na listra esaki buscando documentonan cu por liga Cornelius na e manipulacion di tereno.
Parce cu Cornelius tabata trahando na DIP y prome cu eleccion caba e mandatario encarga cu e departamento aki a worde cuestiona caba riba e wega di casnan cu tabata ser bendi.
Tin varios hende cu a paga pa casnan y e na mes momento tin falsificacion cu a tuma lugar tambe a cambio di placa pa cierto hende haya e terenonan of casnan.
DIARIO den pasado a yega di pone lista di prijs di cierto hende directamente liga na e gobierno di Gabinete Oduber cu a haya dos cas na prijs di baca flaco. Mientras cu tin otronan a paga un bon suma pa nan cas tog tabata tin algun cu a ser privilegia.
Awor e investigacion di Lands Recherche lo caba di confirma kendenan mas lo por cay den e investigacion di tereno y casnan bendi den forma straño.
