Home Policial Problema den Bar Restaurant

Problema den Bar Restaurant

1
0
SHARE
- Advertisement -

PolicialORANJESTAD.(AAN);– Djis pa a bisa poco hoben pa baha voz a surgi problema den un restaurant na Pos Chikito y cu a termina cu varios version. Diahuebs anochi pa alrededor di 8’or, central di polis a dirigi patruya di San Nicolas na un bar restaurant na Pos Chikito, pa un aparente menaza cu arma di candela. Aki polis a topa cu dos ruman homber di fam K. E rumannan K. a cuminsa splica polis cu nan tabata hunga biljard den e restaurant. Un hende homber a drenta y a menasa nan y nan a indica polis e auto color preto net e homber sospechoso tabata subi e vehiculo.
Mesora polis a acerca e homber y nan a pone baha for di e auto.


Ta trata di e homber inicialnan J.v/d D. Segun J.v/d D. version el a drenta enberdad den e establecimento pa cumpra cuminda, pero debi e mucha hombernan eyden tabata hasi hopi desorden, ni e doño di e negoshi e no por combersa cu ne y a pidi e mucha hombernan pa baha voz un poco.

Mesora cinco mucha hoben lo a rabia y nan a rondone. E mucha hombernan a zundre y hasta a puntre kico ta su problema..

J.v/d D.a nenga retundamente di a menaza cu shotgun y a invita polisnan pa listra su auto. Polis a listra auto di J.v/d D. y agentenan a descubri un machete cual nan a confisca.

Tambe polis a papia cu doño di restaurant cu a declara di no tin problema cu e mucha hombernan y e no a wak y tampoco scucha mencion di shotgun.

Informe adicional segun e informe policial, e homber J.v/d.D. ta como turista y ta cu vacasion na Aruba hunto cu su amiga.

- Advertisement -

DUNA COMENTARIO

Please enter your comment!
Please enter your name here