Prome ministro Mike Eman a laga sa cu….. Investigacion no ta bay ta un persecusion politico
ORANJESTAD(AAN): Durante un entrevista na Hulanda, Prome Minister Mike Eman a splica cu e investigacion cu Hulanda ta bay hasi riba Gobierno anterior su maneho, no ta un persecusion politico. El a bisa cu ora un investigacion asina tuma lugar, mester wak tambe e manera con Ministerio Publico a funciona durante ultimo añanan. Loke ta resalta den esaki ta e imparcialidad di independencia di Ministerio Publico.
Segun Eman, un di e asuntonan pa cual partido AVP tabata preocupa durante ultimo añanan ta net e imparcialidad y independencia di O.M.
Pesey no ta e intencion pa reenforza e pensamento cu un Gobierno lo por pone presion riba O.M pa cuminza cu investigacionnan penal.
Un die partinan fastioso politica den un comunidad chikito manera Aruba ta cu tin biaha hende ta dispuesto di hasi cualkier cos pa pone luz negativo riba nan contrincantenan politico.
Esey ta un di e cosnan cu mester wordo coregi, segun Prome Minister Eman. Durante e entrevista a puntra Eman ki garantia e por duna cu e Gobierno nobo no lo hasi mescos.
Eman a splica cu e hecho cu e investigacion aki ta bay tuma lugar a base di palabracionnan mas hancho dentro di Reino, ta duna un garantia cu no lo bin cierto impulsonan concreto for di Gobierno di Aruba, pa pusha e investigacion den cierto direccion. Un otro garantia ta cu un instituto cientifico independiente ta bay hasi e investigacion.
Husticia awo!
Minister President mr. Eman, porfin bo a reacshona,
Culebra ta na su cabez bo ta mate, si Ministerio Publiko tabata parcial hamas e cos nan aki a tuma luga y Aruba no tin mal nomber Internashonal.
Tanto bal un Gobierno nobo y un Ministerio Publiko imparcial
“IVESTIGASHON” contra Ministerio Publiko tambe.
Carlos Severino TRomp
Carlos
Awor O.M. tin cu demonstra nan imparcialidad y ojo!
Pueblo ta pendiente. Si por a persigui miembronan di AVP exagera sin hanja mucho cos, awor cu un tiki esfuerzo lo tin suficiente prueba pa O.M. trece caso dilanti Juez.