Prome rond di e campeonato di Futbol Division Honor ta yega na su final
ORANJESTAD (AAN)— Weganan di e prome rond di e campeonato di Division Honor ta yega na su final e weekend aki. Awe Diasabra lo tin dos wega na Stadion Guillermo Trinidad, e prome wega ta cuminsa 6:30 di atardi entre RCA contra di Sport Boys. E di dos wega ta cuminsa 8:30 di anochi entre Estrella contra di Deportivo Nacional. Diadomingo lo tin e dos ultimo wega, esakinan lo bai tuma lugar na Compleho Deportivo Frans Figaroa.
Pa 5’or di atardi lo bai tin e encuentro entre e dos teamnan berdiblanco, esta Bubali y La Fama, pero den e ocacion aki Bubali lo aparece riba tereno cu nan uniform “nobis nobis” color silver.
Despues di e wega aki lo continua cu e wega entre Britannia contra Dakota, e wega aki ta programa pa 7’or di anochi, asina ta cu di antemano nos ta extende e invitacion cordial pa un y tur bin apoya e teamnan den e ultimo fase di e prome rond.
Nos kier a informa tambe cu e di dos rond di e campeonato aki lo continua otro aña na Januari y cu pa e siguiente simannan di e aña aki lo continua cu e weganan di e campeonato Copa Betico 2009.
