Home Deporte Randy Dirksen ta e “Fanatico di Deporte” number uno pa Sport TV...

Randy Dirksen ta e “Fanatico di Deporte” number uno pa Sport TV Aruba

1
0
SHARE
- Advertisement -

randy1Ganador absoluto di e promer Sport TV Quiz
ORANJESTAD(AAN)— Tin un dicho ta bisa; “E ultimo semper lo ta prome”, awel esaki ta hustamente locual Randy Dirksen a hasi. E tabata ganado di e ultimo ronda di e Sport Tv Quiz y asina pasa pa e final y den e final e ta bin triunfa ganado e ronda final cu diferencia di cinco punto. Diahuebs anochi a termina e ronda final di e popular Sport TV Quiz presenta pa nos di Sport TV Aruba na Paseo Herencia.

Un Sport TV Quiz cu a dura cinco siman largo caminda nos crew di Sport TV Aruba hunto cu nos participantenan, e fanaticonan, esnan presente na Paseo Herencia y e miles di computervidentenan na cas y rond Mundo, a biba momentonan placentero, unda tur a enjoy e atmosfera cu tabata reina rond di e Sport TV Quiz.

E ronda final d diahuebs anochi a bai entre Randy, Randall, Mario y Jair, mester bisa cu den un final dramatico, na unda e ronda di ‘wild card’ mester a dicidi e anochi, Randy Diksen ta bira e ganador absoluto di e Sport TV Quiz by Sport TV Aruba, lagando un Jair Tromp na di segundo lugar, mientras cu Mario Wester y Randall Oduber ta keda na di tercer y cuarto lugar respectivamente, un pabien na tur cuater participante y nan asistentenan.

Mas cu claro nos di Sport TV Aruba kier a jama un danki na tur nos participantenan, cu den e ultimo cinco simannan a engrandese e Sport TV Quiz, un danki special ta bai na tur medionan di comunicacion pa e cobertura duna, na nos huradonan Willy Willems y Junior Dake, na Paseo Herencia cu for di un principio a kere den e projecto y a duna nos un cooperacion tremendo.

Sin lubida e cuerpo di seguridad cu a traha cu nos tur e cinco simannan pa asina hasi esaki bira un exito. Un danki di curazon ta bai pa nos casnan comercial, Paseo Herencia, Shlomo Diet Center, Malmok Properties NV, Compra NV, Fridays, Nobushi, Red Bull, Tri Bike, Holiday Inn, Subway, Healthy Living, Bright Bakery, Dufry Aruba, De Veer & Sons, kendenan a contribui cu e diferente premionan pa nos participantenanUn palabra di pabien ta bai na nos presentadornan Gilmar Croes y Jose “Bob” Franken pa e magnifico trabou y por ultimo un pabien grandi na nos crew di Sport TV Aruba, Jaysel, Roly, Jorge, Rothmar y Seever pa e bon trabou cu a ser desplega durante cada siman di Sport TV Quiz. Aruba danki un biaha mas pa permiti nos ta bo web-site number uno den deporte.

- Advertisement -

DUNA COMENTARIO

Please enter your comment!
Please enter your name here