Home Deporte RCA a empata cu La Fama na un gol

RCA a empata cu La Fama na un gol

5
0
SHARE
- Advertisement -

futbol1ORANJESTAD (AAN)— Den e encuentronan di futbol di division Honor cu a tuma lugar durante fin di siman tras di lomba, tabata tin e encuentro entre e teamnan di La Fama cu a enfrenta RCA, wega cu a caba cu empate na 1 gol pa banda. La Fama a habri e marcador cu gol di hungador #9, Lionel Tromp na di 27 minuut aki e wega a cuminsa bira cayente ya cu RCA tampoco kier a baha cabes pa su contrincantenan y a busca todo por todo pa empata e wega. E empate a bin na di 56 minuut danki na e hungador #17, Eric Santos.
E cambionan cu a tuma lugar pa e team di RCA tabata como lo siguiente: A Sali #3 Raymbert Bikker y a drenta #5 Roberto Paesch, despues a Sali #5 Olin Geerman y a drenta #15 Franklin Werleman, a Sali #10 Raul Aparicio y a drenta #18 Jomar Martis.

RCA a haya un total di 3 carchi geel, un pa #2 Edwardo Mayora na di 90 minuut, un pa #3 Raymbert Bikker na di 86 minuut y un pa #19 Glenford Sambo na di 53 minuut; no tabata tin carchi corra pa RCA.

Pa La Fama, e cambionan cu a tuma lugar tabata como lo siguiente: a saki #17 Diandy Koolman y a drenta #27 Lesley Felomina, banda di esaki La Fama a ricibi 2 carchi geel so, un pa #7 Sylvester Schwengle y #9 Lionel Tromp, y un carchi corra pa e hungador #25 Rigmar Lodowika.
Siguientemente nos ta presenta algun imagen di e tremendo encuentro aki.

- Advertisement -

DUNA COMENTARIO

Please enter your comment!
Please enter your name here