Home Estilo Sosteniendo Save the Children. Bvlgari a celebra su di 125...

Sosteniendo Save the Children. Bvlgari a celebra su di 125 aniversario

1
0
SHARE
- Advertisement -

bvlg23ORANJESTAD (AAN): Bvlgari a scohe pa celebra su di 125 aniversario door di uni completamente cu e Save the Children Foundation, pa e Campaña di Rewrite the Future.

E campaña ta dirigi na provee educacion y asina un miho futuro na miyones di mucha sufriendo di e consecuencianan di guera y conflicto. Bvlgari a dicidi di sostene e campaña aki door di recauda 10 miyon euro prome cu fin di 2009, di cual miyones ya caba a worde entrega.

Pa marca e di 125 aniversario y pa trece e campaña pa Aruba tambe, e tienda di Bvlgari na Renaissance Mall a ofrece un fiesta di cocktail elegante, recientemente.

Propietario Robert Gandelman y su miembronan di staff tabata presente pa ricibi e dignitarionan local, cu champaña Italiano y hors d’oeuvres.

E renchi special di plata y coyar di plata diseña pa Bvlgari a worde introduci na Aruba. Nan a worde crea pa sostene e campaña di Rewrite the Future, y riba e parti exterior por mira e nomber di e fundador di Bvlgari, Sotirio Bvlgari, mientras cu riba e parti paden di e renchi y patras di e coyar e logo di Save the Children ta sirbi como un recuerdo pa e persona bisti cu e joya di e asesorio su meta. E joyanan lo ta obtenibel pa benta te cu dia 31 di December, 2009.

Aki por mira imagennan di e fiesta anima. Hopi celebridad rond mundo awo ta bistiendo e piesanan di Bvlgari, manera Ben Stiller, Eddie Van Halen, Ronaldinho, Ginnifer Goodwin y Aruba su mesun Myrna Jansen, director di e Aruba Tourism Authority.

Desde 1884, Bvlgari tabata e lider pa estilo Italiano den prendanan. Un spirito creativo, cu un bista riba futuro cu nunca ta para di saca inspiracion for di e beyesa eterno di arte griego y romano, mientras cu e ta agrega un toke distinto contemporaneo. Griego manera su fundador, Sotirio Bvlgari – y Romano manera e cultura cu el a stima.

- Advertisement -

DUNA COMENTARIO

Please enter your comment!
Please enter your name here