Cu e inversion di 1.5 miyon e sistema moderno ta stabiliza coriente pa Aruba
ORANJESTAD(AAN):Tabata na 2008 cu e Substation di Elmar den Paardenbaaistraat a pega candela net na momento di un temporada di problema laboral. Esey a causa un daño grandi di riba un miyon na e substation. Elmar mester a haci hopi esfuerzo pasobra esaki tabata un sosten hopi grandi pa e red di Elmar su distribucion. Despues cu e tecniconan di Elmar, contratistanan a logra pone e substation bek den funcion a busca dos tecnico di exterior solamente pa caba di fine tune e resto.
E inversion total pa pone e substation bek den funcion riba un sistema moderna tabata di 1.5 miyon florin.
Hopi substation cu a ser traha despues di esun na Paardenbaaistraat ta mas moderno. Esun di Paardenbaaistraat ta e prome substation y pesey e tabata un poco anticua.
Awor cu e substation nobo aki Elmar por garantiza e area pabao di brug coriente confiable atrobe.
Proximo tres añanan por spera inversion di Elmar riba henter e red pa sigui garantiza e comunidad coriente constante. Esaki lo ta un suma di ocho miyon den e tres añanan.
Presente minister di utilidad Mike de Meza tabata presente y a hiba palabra.
Tambe Robert Henriquez director di Elmar tambe a splica un tiki riba e proceso pa renoba e substation. Leo Boekhoudt director tecnico na Elmar a splica tambe riba e costonan y futuro proyectonan cu nan lo tin.
Despues di anuncia e reapertura den presencia di demas invitadonan e minister a haya un recorido den e substation hunto cu e invitadonan.
