Tiro a cay den hot zone y “joselito” deteni
ORANJESTAD.(AAN): — Manera ta conoci ministerio publico a laga publica informe cu esnan cu tin arma di candela por entrega esaki sin cu lo ta bay wordo persigui. E oportunidad a presenta pa esnan cu tin den nan poder arma di candela pura y entrega esaki mas rapido posible pa asina evita problema serio cu husticia ora cu razianan bay inicia net despues cu e termino yega.
Pero ainda tin persona (nan) ta risca pa cana cu arma di candela sin cu ta ril ni pa dispara publicamente.
Y un di e factornan principal cual tambe tin di haber cu arma cu ta dealmento rip off relaciona cu droga. Hopi a haya nan envolvi y hasta a haya nan morto inespera.
Esnan den traficacion di droga no ta kibra cabez, a bende of via droga no ta importa cu husticia a garabo , nan ta manda hende inespera te na unda cu bo por ta scondi pa cobra sea na bon of malo.
Dios sa cuanto lo a muri desaparece cu nunca a haya sa e motibo exacto.
Y ora cu ta deal y trafica den droga manera experto mericano a bisa durante lectura: “Deal or no deal you are just a dead man.” Pakico e introduccion? Esaki tin di haber cu locual a sosode den oranan di marduga den Hot Zone. Aparentemente un of mas persona cu lo ta biba pariba di brug lo a bin abao sea arma of a haya cumpra esaki cerca su brother .
Manera ta custumber ta cerca navegante sea Venezolano of Colombiano. Barkito ta wordo declara sali bay y no por proba cu esaki ta berdad si of no. Nomber no sa cay pero e dolor ta keda pa famia y yiu ora cu tata of ruman direpiente a desaparece.
Despues ta bin tende cu ta cuenta di placa y droga henter e asunto ta draai rond di dje. Probablemente e tiro cu a zona y e detencion cu polis a hasi den oranan di marduga den Hot Zone lo por tin di haber cu asunto di droga of reglamento di cuenta. Tiro lo a cay y danki Dios cu ningun hende a wordo herida.
No ta conoci cu esun of esnan envolvi lo bay entrega keho pa menaza of intento di asesinato contra Joselito V. cu na e momentonan aki ta encarcela pa mas investigacion. Den poder di Joselito a haya un arma di candela 38 special cu ora e proyectil drenta curpa di un ser humano e ta basha mesora abao. Si ta den cabez e proyectil drenta, e cabez ta keda manera un patia, garna for di otro.
